Yesaya 56:1 - Ma Jou ai Demo-demo o Totobelohoka

¹ Ma Jou o Yawe winihingahu wato, “Ngini kiani nia wowangoino de niao ma totiai de nitobadiai o datoro ma rorahai dika, angamoi ko itedekanokaua de Ngohi toboa la tiniduhunu nia kangelaino, de ma oraha gea de ahi totiai tahimatoko o nyawa-nyawaika.

Yesaya 56:1 ပူးပေါင်းရင်းမြစ်များ

Higiriiri 106:3

De ngone abe ai behehongo hohingounu mata-mata ngone hogarago. De nanga gogao o nyawa utuika hapaliara duru irahai, De hoigo la mata-mata hodiai duru itiai Ma Jou ai himangoka.

Yesaya 55:7

Abe o nyawa yotobadiai ma dorou kiani yoporetika manga howono gea la yanoaka dika. De kiani manga hininga ma dorou yomahipidili genangino la ibootohi itagi manga hiningaka. De gea yolio Ma Jou o Yaweino la Una ahao ai hininga ma dora ma hiokoo wapake onangika. Kiani iwigilio Una manga Jouika la Una duru waofi manga howono ai hininga ma rorahaiino.

Mika 6:8

Koua, ahi gogianongoru! Duru ko hokogenangua abe Ma Jou woigo la ngone hodiai! Abe Una wonahingahuoka nanga datoro hokokia abe itiai, de abe duru imakiniiki de to Una ai mau ngoneino. Abe Una woigo la ngone hatobaniiki o totiai ma datoro, de woigo la nanga gogaoino de hatobagou-goungu abe Unangika de nanga date-datekika. De nagali woigo la nanga wowangoino de hohidodiai hotagi-tagi ka Unangika dika. De gea ena abe Ma Jou o Yawe ai mau ngoneino la ka idadi wonadafongoli.

Maleaki 4:4

De nagahi ai demo onangika abe Una wato, “Ngini kiani niohohininga ahi huhuloko o Musa ai Pareta la nia hingounu naga enangika. Angamoi ma dodihiraino de Ngohi tohidoaka ahi pareta de ahi hiaturu mata-mata gea unangika o Sinai ma lokuoka. De gea tohidoaka la ngini o Isiraele ma nyawa mata-mata niatobaniiki enangika.”

Matiusu 3:2

“Ngini kiani nitoba la nioporetika nia howo-howonika de nianiikoli Ma Jou ai hiningaika dika. Angamoi itigioka abe ma oraha Ma Jou wonahikoano ngone o duniaka naa.” De hokogea o Yohanese ai demo onangika la wato ona ahao iwidafongo irahai manga Koano Ma Jou.

Matiusu 4:17

De o Kapenaumu ma kapongoka gea de o Yesusu womulaenge wahingahu-ngahu o nyawaika wato, “Ngini kiani nitoba de nioporetoka nia howo-howono gea la nianiikoli Ma Jou ai hiningaika dika. Angamoi ma oraha itigioka abe Ma Jou wahikoano ai nyawa o duniaka naa.” Ho hokogea o Yesusu ai demo wahingahu-ngahu onangika.

Maruku 1:15

Ho gea o Yesusu waika wahingahu-ngahu wato, “Ma oraha adonoka! Itigioka Ma Jou wahikoano mata-mataika! Ho ngini kiani nitoba nia howonino de niangaku o Abari ma Rorahai naa!”

Yohanese 7:17

De ngini ka idadi nihioriki ahi dodotoko Ma Jouoka de aino. Angamoi ngaro onagona dika ma nako yairiki la ato yaniiki to Ma Jou ai hininga, gea ka de yoihene ma titi abe tadotoko onangika de ihioriki gea Ma Jouino dika de ma dodotoko gea ko Ngohinoua dika ma titi.”

Roma 1:17

De gea ka idadi Ma Jou waduhunu o nyawa mata-mata ma titi ai Abari ma Rorahaiino angamoi ai Abari ma Rorahai ma goronaka de inahimatoko ngoneino abe hokokia Ma Jou wonahitotiai ngone ngaro onagona dika. De gea ka idadi Una wonahitotiai abe ma titi moi dika, de gea o ngongaku. Masara ufa ngone hafikiri abe ma ngekomo gea ka ma hungiohi, angamoi ma dodihiraino de ihitulihukuoka Ma Jou ai Demo-demoka itemo ato, “O nyawa abe Ma Jou waetongoka wato yototiai ai himangoka ma titi manga ngongakuino, ona gea abe yamakeoka o wowango ma ngango.” Hokogea itemo Ma Jou ai Demo-demoka, de ma demo gea duru imakiniiki de o Abari ma Rorahai abe ngohi totobahingahu-ngahu o nyawaika. Ho ngohi duru tangaku ma abarika angamoi duru de ma kuahaka la Ma Jou wahitotiai o nyawa enangino.