Yesaya 53:8 - Ma Jou ai Demo-demo o Totobelohoka

⁸ De o hone-honenge dika abe ka idadi iwihihupu una o hohowono ma kangelaino gea. De una ko iwahi ai ngofaka de wohonengoka ho ko iwa ai dano-danonguku manga ade-ade. De abe o duniaka ma wowango, to una gea o nyawa yatoakoka. De gea wohonenge ma titi o nyawa manga howono abe to ngohi o Yesaya ahi gogianongoru mata-mataika yatilakurokau Ma Jou ai paretaika.

Yesaya 53:8 ပူးပေါင်းရင်းမြစ်များ

Yesaya 53:12

Ho Ma Jou wotemo wato, “Ngohi duru tisanangi unangika hiadono ahao tigorakiye de o horomati, de Ngohi tihigogere o kuaha ma gogogeroka abe kiani ona yamake abe yodiai duru ma rorahai de yotobalaku de manga buturungu ma gahumu. De ahi huhuloko gea wamake o lolaku ma utumu hoka onangoli angamoi una womahidoaka ka hiadono wohonenge.” De una gea iwietongo de o nyawa ma dorou manga doomuoka angamoi to ona manga howono womahitounaka. De ona gea una wahidemo Ma Jouika la manga howono waofi angamoi ona manga ngoe yatotilakuroka Ma Jou ai paretaika.

Yesaya 53:5

Masara gea to ngone nanga howono abe womale ho iwihohowono ka hiadono iwihitopoko ai badangika de o behi ma dolomo. O hohowonino gea hiadono ngone inahitogumu to ngone nanga howo-howonino. De una iwihidatapaluika de to ngone nanga howono ma dubuho Ma Jouika la genangino ka idadi ngone homakadame de Ma Jou de ko hobinaahaua.

Matiusu 1:1

Ahi gogianongoru, ahi demoino naa de tinihingahu nginika ma titi o Yesusu Kristusu ai totofora. Abe Una to Dautu nanga koano ma dihiraino ai toforauku, de ngaro o Abarahaama abe una gea nanga tofora duru ma dodihiraka, masara o Yesusu Unangoo to Abarahaama ai toforauku. De ma dodihirainohi de Ma Jou wonahibehehongoka ngoneino wato wohidingoto nanga Koano ngoneuku, de naa ma duru de wihidingotoka o Yesusu la wodadi nanga Koano gea. Ho naa tinihingahu ma titi to Una ai totofora la ngini duru nihioriki abe Una to Abarahaama de to Dautu manga toforauku idodutu.

Yohanese 19:7

Masara o Yahudi ma nyawa manga ngoe gea iwiribuutu o Pilatusika ato, “Masara naga to ngomi mia pareta abe nako o nyawa iwingelo Ma Jouika kiani yohonenge ho kiani haniiki mia pareta gea angamoi Una womafetongokau wato, ‘Ngohi naa Ma Jou ai Ngofaka.’”

Hidingoto 8:33

De una duru iwihitipokouku de iwiao duru ko itiaiua ma oraha iwiurusu. De ahao ko idadiua hoade-ade ma titi ai totoforauku angamoi moioo de ko yaiwa, De gea mangale ma titi ai wowango o duniaka naa ko ikurutuahi de ka itoakoka.”

Roma 1:4

Masara Una ka o nyawa biahaua dika, de gea hohioriki angamoi ipahaino de Ma Jou o Womaha abe duru wotebi-tebini wihimomiki nanga Baluhu idodutu o Yesusu Kristusu ai honengoka de aino. De abe ma oraha womomiki, genangoka de o Yesusu duru iwihitaana abe Una gea Ma Jou o Ngofaka duru de ai kuahaka. Ho o Abari ma Rorahai abe ngohi tatobahingahu-ngahu o nyawaika, ma abari gea duru ihititi nanga Baluhu idodutu o Yesusu Kristusoka.

1 Peturusu 3:18

De abeika ngone hongano-nganonohi ma titi o Kristusu ai kangela abe ma dihiraino Unangoo wohimangoka. Angamoi igoungu o Kristusu ma moiokau iwihikangela ka hiadono wohonenge ma titi o howono. Masara gea ko mangaleua ma titi to Una ai howono hiadono iwihikangela, angamoi Una duru wototiai dika. Masara Una iwihikangela ma titi ngone o nyawa nanga howo-howono abe ko hototiaiua. De hokogea Una iwihikangela la ka idadi ngini naa winihiboa Ma Jouino. De igoungu abe Una gea iwihohonenge abe ma titi ai badangino, masara ipahaino de ahao iwihiwangokali ma titi Ma Jou o Womahino. Ho koaho ngone nanga datoro ma rorahai dika hotobadiai nanga wowangoka.