Yesaya 50:7 - Ma Jou ai Demo-demo o Totobelohoka

⁷ De mangale ma titi Ma Jou o Yawe wohiduhunu ho ngohi ko tamaoua o himaleke. Ho ngohi ahi hiningaka de duru tomaputuhoka tato to Una ai mau dika tatobanii-niiki. De gea duru tohioriki de tonganono abe ko ihimalekua genangino.

Yesaya 50:7 ပူးပေါင်းရင်းမြစ်များ

Yesaya 42:1

De Ma Jou o Yawe wotemo wato, “Abeika naa Una ahi Huhuloko, Una abe Ngohi tihiputurungu. Abe Ngohi tiirikoka Una de duru tidosanangi Unangika gea. De Ngohi tihidoakoka ahi Womaha Unangika la Una duru de ai kuahaka, de Una ahao wahingahu-ngahu o dutu mata-mataika ma titi abe ma ngekomo hokokia la ka idadi ona yamake to Ngohi ahi totiai onangika.

Yesaya 49:8

De nagahi o Yawe ai demo Unangika wato, “Ahao nako ma oraha adonoka abe tomaputuhu la ahi owa itagi Ngonaika de gea tonihidoaka ani gogahoko. De nako o duduhunu ma wange adonoka de toniduhunu Ngonaika. Abe gea tonigoana de tonihidadi o hidemo ma nyawa abe Ngona nao itiai to Ngohi ahi behehongo o Isiraele ma nyawa mata-mataika. De nagali toniduhunu la manga tonaka ilio abe hoka ma dihirainoli, angamoi ma dekanino manga tonaka gea ka ma homoa dika ma titi o nyawa ko yaiwa genangoka, masara ahao ka idadi yoboainoli de yomanoa manga tonakoka gea.”

Yesaya 50:9

Abeika, gea Ma Jou o Yawe Una ma hirete wohiduhunu ngohi, ho onagona ato bote ka idadi ihitae ngohino de yolaku? Ona gea ahao o binaaha dika yamake, abe imaketero hoka o nyawa manga kiahonanga o goguhu yaolomo hiadono duru awede-wederoka.

Lukasa 9:51

De abe ma oraha ka itigi moduku abe o Yesusu wogoraka wolio daku o Horogaiye de Una ai hiningaka duru womaputuhoka abe kiani woiki o Yerusaleeme ma kotaiye. Ho Una de iwinii-niiki ona yosoboka abe manga dumutu o Yerusaleemika.

Yohanese 16:33

“Ahi hingahu mata-mata naa tinihingahu nginika la ti nginioo nia hininga de ma miriidi angamoi nigogere Ngohioka. Ho nia miriidi gea naga ngaro nigogerohi o duniaka naa, de ngaro kiani o huha niamake. Ho ufa nia hininga aliko o huhaika gea! Kiani nikokisanangi dika! O dunia ma kangela naa Ngohi tohikalaka la nginioo ka idadi nilaku.”

Roma 1:16

De ngohi duru tangaku o Abari ma Rorahaiika de gea ko ihimalekua ngohino, angamoi duru tohioriki abe Ma Jou ai kuaha la watobaduhunu o nyawa, gea ai Abari ma Rorahaiino imanoa. Ho mangale ma titi ai Abari ma Rorahaiino de naga to Una ai kuaha, ho ka idadi o nyawa waduhunu genangino. Ho o nyawa onagona dika abe iwingaku Unangika de ai Abari ma Rorahaiino wapake la ona gea waduhunu. De igoungu ihira-hira itagi o Yahudi ma nyawaika la ka idadi yotoihene ai Abari ma Rorahaiika, de ipahaino de itagioli onangika abe ko o Yahudi ma nyawaua. Angamoi ma titi ai Abari ma Rorahaiino gea de Ma Jou ka idadi waduhunu o nyawa mata-mataika, abe ngaro ona o Yahudi ma nyawa eko abe ko o Yahudi ma nyawaua.

Ibarani 13:6

De mangale ma titi ai demoino gea ho duru inahiputurungu nanga hiningaka hiadono ngone ka idadi hotemo hato, “Nanga Baluhu idodutu Una gea to ngohi ahi Duduhunu ho ngaro ufa dika de ngohi tohawana. Angamoi mode sarakia hiadono o nyawa dika de ka akunu ihiruwae ngohino? Duru ko idadiua ihiakunu!”

1 Peturusu 4:1

Ho mangale ma titi ma dihiraino de o Kristusu duru iwihikangela abe Una naga de ai badangokahi, ho nginioo kiani nimahinoauku de to Unangoli ai hininga, ho ufa niato o kangela niodokaowara dika. Angamoi onagona dika ma titi Una hiadono o nyawa yahikangela, masara ona ka yodafongo dika abe yahikangela manga badangika, ona gea yomahitaanoka abe yahitihira manga hingounu Ma Jouika de o howono ko yahiparetakaua manga wowangoka.