Yesaya 50:4 - Ma Jou ai Demo-demo o Totobelohoka

⁴ Ma Jou o Yawe wohihiakunu ngohino la ka idadi ai hingahu ma demo tadofanga o nyawaika, de gea hiadono ngohi ka takunu taduhunu ona abe manga hininga de ma dubuhoka. O ngoru-ngorumiye wohitumomiki de wohiwangoro ngohino. De gea ahi ngauku wohiso la ka idadi duru totoihene to Una ai dodotokika.

Yesaya 50:4 ပူးပေါင်းရင်းမြစ်များ

Higiriiri 5:3

Ngona, Ma Jou o Yaweika, to ngohi ahi hininga tomahingahu, Duru o ngoru-ngorumino tonihingahu de Ngona nogihene. Ka de ahi gogahoko abe Ngonaika o ngorumino tonihingahuoka, De toriidi tododamaa, de duru tonganono ani babaluhu ngohino.

Sosawaro 12:25

Nanga hininga ma pusingi duru inahitubuho, masara nanga dodiawo manga higaro ma demo ma rorahai duru inahiuwini hiadono nanga garago ilioli.

Yesaya 40:29

De ona abe yaboleoka de manga buturungu iowaha, onangika Ma Jou wahidoaka o buturungu de wohidogo o magawe.

Yesaya 50:10

Ho nginioka onagona naga abe nia horomati itagi nanga Jou o Yaweika, de onagona naga abe niwigihene to Una ai Huhulokika? Abe nako nia hininga hokogea, ngaro niaohana o huha de o kangela nia wowangoka, de niamao o fufutuoka dika nigogere, masara ka idadi nimahinganono nanga Baluhu o Yawe ai romangika dika la Una winiduhunu. De koaho nimahidutuku dika nanga Jouika.

Matiusu 11:28

De ahao Una wotemo wato, “Ngini mata-mata abe nia hiningaka de iniboleoka abe imaketero hoka nia pea ihifefele ma titi nia hininga ma gina duru kohadubuho, de gea ngini mata-mata niainohi Ngohino la ka idadi ti ngini nia hininga tohiuwini.

Matiusu 13:54

de wolio to Una ma hirete ai kapongo o Nasarete ma kapongika. De o Nasaretoka Una wadotoko Ma Jou ai Demo-demoino to ona manga dodotoko ma tauoka. De ona mata-mata o dodotoko ma tauoka de duru yokokiheranga ma titi ai dodotoko ma demoino. De ona gea yomakokeleha ato, “Adoo! Naa Una done o kiaino wamake ai kuaha de ai sosawaro? Angamoi nako ai dodotoko ma demoino hotoihene de ka idadi hamake abe Una duru wososawaro ai demoino! De hongoli Unangoka naga ai kuaha la o heheranga wodiai! Ho ai kuaha gea done o kiaino iboa?”

Matiusu 22:46

De o Yesusu wotemo ibooto de moioo de ko iwa abe ka idadi iwipaluhu Unangika. De gea ipaha de o nyawa mata-mataika ko yamoroinokaua iwileha Unangika abe ato genangino de ihititi ai howono ai demoino.

Lukasa 21:15

Gea koua, masara ma oraha adonoka de ahao Ngohi tinihidoaka nginika la nia uru ma demoino de duru isosawaro. La gea nitemo ipaha de ko moiua abe inilawa-lawana ka idadi yopaluhu nia demoika ho ko idadiua inihikala nia demoino gea.”

Lukasa 4:22

De ona mata-mata genangoka duru yososanangi ai dodotoko ma demoika de yokokiheranga ma titi ai demo ma hohailoa ai uruoka de aiye wohibengaiye duru ma rorahai. Masara nagali utu genangoka abe ona yomakokeleha ato, “Naa hoihenoka done sarakia? Angamoi done una naa ka o Yusupu ai ngofaka dika? Ho done sarakia una wato ma datoro ma rorahai gea una ka wakunu wodiai?”

Yohanese 7:46

De ona yomademo manga balu-baluhika ato, “Una gea ai demo duru imakohowono de to ngone nanga demo! Duru ko ma moiuahi naga o nyawa yotemo-temo hoka Unangoli wotemo-temo.” Hokogea ona abe yotobagoa-goana Ma Jou ai Tau yomademo.