Yesaya 49:2 - Ma Jou ai Demo-demo o Totobelohoka

² De Una wohihidadi la ahi uru duru idoto abe imaketero hoka o humarangoli ma doto, de wohihitatoko to Una ai giama ma hoatoka. Ho Ngohi wohihidadi hoka ai toimi ma doto, de o hihiipi ma ngioka Una wohigoana.”

Yesaya 49:2 ပူးပေါင်းရင်းမြစ်များ

Higiriiri 91:1

Koaho ngini nimahitatoko Ma Jou Wokokurutiye ai timiuku, de irahai la ngini nimanoa Una Wokokurutiye ai fofongoka.

Huhupu 33:22

De Ngohi ahao tonihingohama ma hakaru ma belakika abe naga kohaamoko ipelaka ma hakaru gea, de Ngohi tonitatoko de ahi giama la ufa namake nobawili ahi medebini ma dararonika ka hiadono tonitilakuru ibooto.

Yesaya 11:4

De ngaro o hu-huha ma nyawa masara una waurusu de ai hininga ma totiaiino, de nako ona abe hatoli ko kia-kiaua adaene o duniaka, onangoo waurusu itiai la ufa o nyawa yao ko itiaiua. Masara nagali ona abe yotobadiai itorou, de to una ai putuhu onangika gea o hohowono ma dodubuho imaketero hoka o boboha ai uruoka de aino adaene onangika. Ho ma titi ai uruino dika de o dorou ma nyawa wahohonenge.

Yesaya 42:1

De Ma Jou o Yawe wotemo wato, “Abeika naa Una ahi Huhuloko, Una abe Ngohi tihiputurungu. Abe Ngohi tiirikoka Una de duru tidosanangi Unangika gea. De Ngohi tihidoakoka ahi Womaha Unangika la Una duru de ai kuahaka, de Una ahao wahingahu-ngahu o dutu mata-mataika ma titi abe ma ngekomo hokokia la ka idadi ona yamake to Ngohi ahi totiai onangika.

Yesaya 50:10

Ho nginioka onagona naga abe nia horomati itagi nanga Jou o Yaweika, de onagona naga abe niwigihene to Una ai Huhulokika? Abe nako nia hininga hokogea, ngaro niaohana o huha de o kangela nia wowangoka, de niamao o fufutuoka dika nigogere, masara ka idadi nimahinganono nanga Baluhu o Yawe ai romangika dika la Una winiduhunu. De koaho nimahidutuku dika nanga Jouika.

Yesaya 50:4

Ma Jou o Yawe wohihiakunu ngohino la ka idadi ai hingahu ma demo tadofanga o nyawaika, de gea hiadono ngohi ka takunu taduhunu ona abe manga hininga de ma dubuhoka. O ngoru-ngorumiye wohitumomiki de wohiwangoro ngohino. De gea ahi ngauku wohiso la ka idadi duru totoihene to Una ai dodotokika.

Habaku 3:11

De abe ma oraha nohidingoto ani leletongo de duru ipalesaholi itagi ma dumutika abe imaketero hoka o hihiipi ma palesa. De to ena ma dararono duru itararonoholi. De gea tamake ma wange de ma mede imatogumuku dika ma dodagioka ho ko itagiokauahi.

Lukasa 23:46

De ma oraha gea de o Yesusu wopoaka waamo-amokiye wato, “Baba, naa Ngohi tomahidoaka ahi womaha la tonihitagongo to Ngona ani giama ma hoatika.” De hokogea wopoaka ibooto de gea ai ngomaha itoakoka.

Ibarani 4:12

Ho ngone kiani duru hanii-niiki Ma Jou ai hingahu ma demoika abe ai Ngofaka o Yesusoka de aino iboa. Angamoi Ma Jou ai Demo-demo ena gea duru itobawango de iputurungu. De abe nako to ena ma modoto ngaro o humaranga o dopo-dopoino mata-mataika abe ma doto arihononga, ma ka ai Demo-demohi ena gea duru idoto. Abe imaketero hoka o humaranga ka idadi inatopoko nanga badangoko hiadono nanga dengo-dengo de nanga kobongo ma dututuku ka idadi hamake, hokogenangoo Ma Jou ai Demo-demo gea ka idadi inatopoko ka hiadono nanga hininga ma lifunika, la gea nanga hininga de nanga hidee o kia dika naga duru nanga hininga ma goronaka gea ka idadi ai Demo-demo amake.

Himatoko 1:16

De naga to Una ai giama ma nirakoka wasoino o murumu tumidi. De ai uruoka de aino naga ihupu o humaranga o dopo-dopoino abe ma doto arihononga, de gea ena duru idoto. De nako to Una ai himanga, gea duru kohadararono abe hoka o wange ma gomono ma dararono imaketero.

Himatoko 19:15

De Una gea ai uruoka de aino naga ihupu o humaranga o dopo-dopoino abe duru idoto, de ai humaranga gea wapake la wahikala o dunia ma nyawa mata-mataika. De onangika gea ahao duru wahipareta de ma dubuho abe imaketero hoka wapake de o behi. De gea Ma Jou ai ngamo ma hohowono duru ikiria ai musuika ho imaketero hoka o angguru ma hofoko wakokitoomuinoka abe o ngengedere ma ngioka la genangoka duru wawede-wederuku ma hofoko gea. De hokogenangoo ahao idadi ona iwilawa-lawanika, angamoi ngaro mata-mataika ma ka Ma Jouohi duru de ai kuaha kohaamoko, de ai ngamo ma hohowono duru kohagiria onangika.

Himatoko 2:12

De ahao Una gea wohihulokoli wato, “Naa ngona nohitulihuku ahi demo naa abe o Peregamusu ma gareja manga malaekatikali, la unangoli ka idadi wadofanga ahi demo abe o gareja ma nyawaika. Notulihi nato, ‘Naa to Ngohi ahi demo nginika. Ngohi naa abe naga ahi humaranga o dopo-dopoino abe ma doto arihononga.’” Hokogea Una womahingahu.

Himatoko 2:16

Ho gea tato ngini kiani nitoba genangino done ahao Ngohi ka itodokanino de toboa nginika la ka idadi taparangi ona yahowo-howonika. De gea taparangi de tapake ahi humaranga o dopo-dopoino abe ahi uruoka de aino ihupu.”