Yesaya 40:6 - Ma Jou ai Demo-demo o Totobelohoka

⁶ De ahao naga toihene ma ilingi moi itemo ato, “Ngona naamo-amokiye!” De gea ngohi topaluhu tato, “Ka o kia taamo-amokiye?” De ahao ma ilingi itemoli ato, “O nyawa mata-mata ka yomakadaene dika hoka o ruruubuoli, de manga behehongo ma demo mata-mata hoka o fuhuku ma huri o ruruubuoka.

Yesaya 40:6 ပူးပေါင်းရင်းမြစ်များ

Yesaya 40:3

De ahao naga ma demo itemo hokonaa, “Abeika ngini nitotoihene! Angamoi ngohi toihene womatengo ai ilingi abe waamokiye wato, ‘Ngini kiani o ngekomo nihidiai o tonaka ma kakaahaka angamoi nia Jou o Yawe ahao woboa genangino. Ho o tonaka ma homoaino gea de kiani o ngekomo nidiai duru irahai la genangino to ngone nanga Jou ka idadi woboa!

Yeremia 2:2

“Ngona kiani noiki o Yerusaleeme ma kotaika de nadofanga ahi demo onangika la ona mata-mata ka idadi yoihene. De hokonaa notemo onangika, nato, ‘Ngohi Ma Jou o Yawe tinihihohininga abe hokokia nanga gogao ma dihiraino. Abe Ngohi duru tinihininga ma oraha ngini ko itedekanuahi nidadi to Ngohi ahi nyawa, de gea nia hininga duru itagi Ngohino la niato nihihisanangi. Ma oraha gea ti ngini nia dora itagi Ngohino imaketero hoka o ngofeka momatengo abe ahao yoilaka de ami rokata ho duru midora unangika. De ma dihiraino gea ngini ka ihikaika nihiniiki o tonaka ma kakaahaino, abe genangoka ko iwa o joro.