Yesaya 40:13 - Ma Jou ai Demo-demo o Totobelohoka

¹³ De sarakia naga moi abe ka idadi yataoko Ma Jou o Yawe ai hininga la hiadono ka yakunu iwidotoko Unangika?

Yesaya 40:13 ပူးပေါင်းရင်းမြစ်များ

Dodadi 1:2

De o dunia ena gea ihira ko iwahi ma rupa, abe hoka ma oraha naa, de ko iwahi ma kiahonanga abe hoka ma oraha naa iwangoiye o dunia ma lokuoka. De mata-mataika ka o akere ma ngootohi abe ka ikapusakohi. De ma ngooto gea atamunokahi de o fufutuohi hiadono mata-mataika duru ka ihidofufutuokahi. Masara Ma Jou ai Womaha de ai kuahaka naga womawooto o akere ma ngooto ma lokuino gea.

Lukasa 10:22

De ahao o Yesusu wotemoli o nyawaika abe naga Unangoka wato, “Ahi Baba wohihidoakoka o kuaha Ngohino la mata-mataika imanoa to Ngohi ahi giama ma hoatoka. De Ngohi naa Ma Jou ai Ngofaka, ho Ngohi naa de ahi Baba duru mimahikoriki. De ko iwa utu abe duru ihihioriki Ngohino imaketero hoka ahi Babali wohihioriki. De ko iwa utu abe duru iwihioriki ahi Babaika, bowahu Ngohi naa ai Ngofaka. Masara nagali o nyawa abe o Baba tahimatoko onangika la ka idadi iwihioriki, ho ka Ngohi de ona dika abe wiwihioriki o Babaika.”

Yohanese 1:13

Ho gea yodadi Ma Jou ai ngofa-ngofaka ko imakadaenua hoka o duniaka ma ngofaka abe manga baba o nyawa hiadono yomaboa manga eleino. Masara ona manga ngongaku Unangika ma titi hiadono Ma Jou wahidadi to Una ai ngofa-ngofaka idodutu.

Roma 11:34

De ahi demo gea duru imakiniiki de abe ihitulihukuoka ma dodihiraino ai Demo-demoka abe itemo ato, “Mode onagona de ihioriki to nanga Baluhu idodutu ai hininga? Gea duru ko moiua! Eko mode onagona abe ka idadi iwidotoko Unangika la iwiduhunu ai demoino?”

Efesusu 1:11

De moioli naga Ma Jou ai hidoaka ma owa ngoneino abe de nanga gogaooka o Kristusika, de gea abe wonahidadi ngone to Una ma hirete ai nyawa, ho ka idadi hobaluhu ka Unangika dika! De ma hidoaka ma owa gea Una wonahideeoka ka ma dodihirakahi. De gea wonahidee wato ngone abe hohira homahinganono o Kristusika, ngone naa hodadi to Ma Jou ai nyawa. De mata-mata gea Una wohikaaturu de wodiai la hiadono idadi abe duru imakiniiki de to Una ai hininga ma dumutu. Ho mangale ma titi Una wonahiowa de ai hidoaka ma owa mata-mata gea ngoneino, ho koaho ngone ka ihikaika hihigiriiri de hotarimakase Unangika ma titi ai hininga ma rorahai gea!