Yesaya 11:9 - Ma Jou ai Demo-demo o Totobelohoka

⁹ Ho igoungu, abe ma oraha gea de duru ko iwaka abe yahiodiri utuika to Ngohi ahi loku ma debi-debinoka de hiadono ahi tonaka ma amokika. Angamoi gea o dunia naa aomanga de o nyawa abe naga manga hingounu Ngohi Ma Jou o Yaweino, abe imaketero hoka ma ngooto aomangiye de o gahi.

Yesaya 11:9 ပူးပေါင်းရင်းမြစ်များ

Yesaya 11:8

De hongoli o ngofaka ma gilau ma oraha gea ka idadi wogogule o dodiha ma biha ma ngioka, de ngaro womahidoakika ai giama duru o dodiha gea ma ngi ma goronaika masara ko iwitudukua.

Yesaya 49:6

De naa Una Ma Jou o Yawe wotemo Ngohino wato, “Igoungu tonihitagongo la o Isiraele ma nyawa nahigilio la ona yokokilio Ngohino, masara ka genangua dika ani tagongo tonihidoaka. Abe nagali tonihitagongo la nodadi hoka o hilo ma dararono abe nahitararono ma gou-goungu o dunia ma nyawa mata-mataika, la ngaro o nyawa yomanoa o tonaka kohagurutika masara mata-mata ihioriki abe Ngohi ka idadi taduhunu ona manga howo-howonino.”

Yesaya 56:7

De onangoo gea ka idadi yoboaino ahi loku ma debi-debinino o Yerusaleeme ma kotaka la yomahuba-huba Ngohino de gea tasanangi dika onangika. Abe ona ahao tadiai la manga hininga aomanga de o garago ma oraha yoboa ahi Tauino abe genangoka o nyawa yomaniata Ngohino. De ngaro manga huhuba de manga hidoaka abe o huhuba ma ngioka ihidoa-doaka masara enangoo ka idadi todafongo, angamoi to Ngohi ahi Tau gea ihiromanga o tau abe o dunia ma nyawa mata-mataika ka idadi yomaniata genangoka.

Habaku 2:14

De ahao ma oraha o nyawa yamake abe nia tau irusakoka gea de marai o nyawa mata-mata o duniaka naa ka idadi ihioriki abe Ma Jou Una ai medebini ma dararono duru ilamoko!’”

1 Tesalonika 5:15

De nako hiadono nia gogianongoru utu abe yahowono nia gogianongoru utuika, de ona gea kiani duru niagoana done yomahibalaha de ma dorou manga gogianongoruika. De gea ufa hiadono idadi hokogea nginioka, masara ngini kiani ka ihikaika nihitaili la ma rorahai dika nidiai nia gogianongoruika de o nyawa utu mata-mataikaoo.

Himatoko 21:27

De gea ko yahigunoaua ma dorou o kia dika la iwohama ma kota ma goronaika. De ngaro hoka naga womatengoani abe ai wowangoka ma datoro itorou eko abe yotobaeluku, ma unangoo ko iwihigunoaua la o kota ma goronaika wowohama. Masara ona abe manga roma-romanga naga ihitulihukuoka abe o Domba ma Ngofaka ai Wowango ma Buku ma dolauku, ona gea dika abe ka idadi yowohama ma kota ma goronaika.