Yeremia 9:23 - Ma Jou ai Demo-demo o Totobelohoka

²³ Ma Jou o Yawe ai hininga womahingahu wato, “Una gea abe duru de ai sosawaroka ufa womagoraka wato, ‘Ngohiohi ahi hininga de ma tobahiorikoka.’ De una gea abe duru wopoputurungu ufa womagoraka wato, ‘Ngohiohi toputurungu.’ De una gea abe duru wokaya ufa womagoraka wato, ‘Ngohiohi ahi tiwi duru iwoe.’

Yeremia 9:23 ပူးပေါင်းရင်းမြစ်များ

Higiriiri 34:3

Niaino la ngone Ma Jou o Yawe higorakiye de nanga higiriiri ma demo, Hihigogiriiri ma titi to Una ai totiai duru de ma buturungoka! Homatoomuino higorakiye Una ai romanga Ma Jou o Yawe.

Sosawaro 3:5

De naa duru tonihigaro la ngona ningaku Ma Jou o Yaweika de ani hininga ma gahumu, de ufa nomahinganono to ngona ani tobahiorikika hiadono nato nomangaratii enangika abe nohimanga.

Tobadotoko 2:19

De gea duru ko tohiorikua nako ona gea o sosawaro ma nyawa eko o bodo ma nyawa abe ahao yodadi ahi karajaanga ma hofoko ma dutu. Abe ngohi duru tokarajaanga de ahi buturungu ma gahumu de ahi tobahioriki ma gahumu o dunia ma lokuoka naa, masara gea ahao kiani todogunoaika dika. Ho done o kia ma titi ahi karajaanga gea? Marai duru ko iwa ma titi!

Yesaya 5:21

De ngini onagona dika abe nimaetongo de nimahiromanga o sosawaro ma nyawa de naga de nia tobahiorikoka, nginioo o bobinaaha dika naga inidodamaa.

Mika 6:8

Koua, ahi gogianongoru! Duru ko hokogenangua abe Ma Jou woigo la ngone hodiai! Abe Una wonahingahuoka nanga datoro hokokia abe itiai, de abe duru imakiniiki de to Una ai mau ngoneino. Abe Una woigo la ngone hatobaniiki o totiai ma datoro, de woigo la nanga gogaoino de hatobagou-goungu abe Unangika de nanga date-datekika. De nagali woigo la nanga wowangoino de hohidodiai hotagi-tagi ka Unangika dika. De gea ena abe Ma Jou o Yawe ai mau ngoneino la ka idadi wonadafongoli.

Maruku 10:24

De iwinii-niiki ka de yoihene ai demo gea de yatodokana, masara o Yesusu wahitararonohi onangika wato, “Ahi ngofa-ngofaka, naa duru tagou-goungu tinihingahu, nako o nyawa yomahinganono manga tiwika ona gea duru ihuha yodadi Ma Jou ai kokawaaha la ahao Una wahikoano onangika.

Roma 1:22

De ona gea yomahiromanga ato yososawaro masara ona gea tanu ka yobodo dika.

1 Korintusu 1:31

Ho, duru itaana Ma Jou ai Demo-demo ma dihira, abe ihitulihukuoka ato, “Ufa o nyawa yomahigiriiri ona ma hirete, masara ona gea koaho iwihigiriiri nanga Baluhu idodutuika dika ma titi to Una ai datorino.”

Filiipi 3:10

De ma oraha naa ahi hininga duru ka ihikaika itagi o Kristusika, la tato utuohi itararono Una tihioriki, abe ma titi ai momomiki ma kuaha duru toigo tamake ahi wowangoka. De ngaro ai kokangela ka hiadono ai honenge ma enangoo duru toigo tamao ahi wowangoka, ngaro ihihohonenge abe imaketero hoka Unangoli iwihohonenge, ma, gea toigo.

Filiipi 3:8

De igoungu, ngaro o kia dika naga, ma nako ahi Baluhu idodutu o Yesusu Kristusu duru tihioriki, gea ka enangohi duru de ma utumoka. De o kia dika abe naga utuoli, gea enangoo taetongo ko kia-kiaua. De Una gea ma titi hiadono gea mata-mata abe ahi wowango ma dihira tanoaka, de gea ena tohiromanga ka o wale-wale dika, la ka idadi o Kristusoli tomahitongohi,

1 Timotiusu 6:10

Angamoi nako o tiwika yoodora, genangoka de aino iboa ma dorou irupa-rupa, abe ma hafini gea hoka idadioka ma dorou iwoe-woe ma lifunu. De mangale ma titi o nyawa utu manga horoodo o tiwika hiadono ona yomahirehenoka abe yooporetoka manga ngongaku. De manga ngongakuino yomahirehenoka de hiadono ona duru yomahihuha ma ngoe de yamao hoka manga hiningaka yatopoko angamoi manga horoodo gea. Ho ngone koaho hamao nanga hiningaka abe Ma Jou ai hidailako ngoneino inawedono.

1 Samuele 17:42

De naa ka idadi ona yomakamake itararonoka de o Goliata ai hiningaka ka o hohedu dika ipuda o Dautika angamoi wimake una naa abe iwihidingoto ka o ngofaka dika abe ai kai inouhu de ai rupa worahai!