Yeremia 6:13 - Ma Jou ai Demo-demo o Totobelohoka

¹³ De Ma Jou wotemohi wato, “Abe to Ngohi ahi nyawa o Yerusaleeme ma kotaka naa ngaro o nyawa biaha de ka hiadono ona yokokurutiye masara mata-mataika yomalingiri manga utumu abe ka ihikaika yatobaelu-eluku de yatobarusi-rusi o nyawaika. De ahi uru ma dodofanga de ona abe o nyawa yahidemo Ngohino onangoo yotobaelu-eluku!

Yeremia 6:13 ပူးပေါင်းရင်းမြစ်များ

Yesaya 57:17

“De igoungu ahi dohata duru ifae ma titi o nyawa manga horoodo ma dorou, ho tahohowono onangika de taporetika ma titi ahi ngamoino. Masara ngaro hokogea tadotoko o nyawaika masara ka hokogea dika yogila-gila manga pea ma dodogowini ho ko ihihingounua Ngohino.

Lukasa 16:14

De nagahi o Farisi manga doomuino ma nyawa genangoka de ona yoihene o Yesusu ai demoino ma titi o tiwi. Masara ona yoluku ai demo gea angamoi duru yotobadora o tiwika, ho ona iwihohedu Unangika ma titi ai demoino.

1 Timotiusu 3:3

De ufa wotobaokere o daluku eko wotobangamo masara kiani waabole-bole o nyawaika de ai hininga iriidi. De ufa wohafini o tiwi.

2 Peturusu 2:1

De igoungu ma dodihiraino naga Ma Jou ai uru ma dodofanga abe to Una ai hingahu ma demo yatobadofanga o nyawaika. Masara nagali ma oraha gea o nyawa utuoli abe onangoo yomahingahu ato naga Ma Jou ai hingahu ma demo onangoka, masara ona gea tanu ka yoelu-eluku dika. De gea imaketero abe hoka ma oraha naa nginioka, angamoi ahao idadi abe o nyawa utu naga ti nginioo nia hidogoronaka de ona gea yotobadoto-dotoko o dodotoko abe ko itiaiua. Abe ona gea yomatohi-tohiki dika o dodotoko ihiboaino abe ko ma gou-goungua, de manga dodotoko gea ka idadi ihirusaka abe to ngone nanga ngongaku nanga hiningaka. Masara ona gea, ngaro to ngone nanga Baluhu idodutu wabanguoka, ma ona gea iwiolukoka Unangika, ho ona gea ko itedekanua de Ma Jou kiani wahibinaaha ma titi to ona ma hirete manga hiningaino.

2 Peturusu 2:3

De abe ma titi ona yotobadoto-dotoko ko itiaiua, mangale ona gea duru yohafini o tiwika, ho ona gea ahao inirusi-rusi ngini ma titi manga dodotoko ma demoino la gea yomatiwi-tiwi dika nginioka. De gea manga demo ka yofeto-feto dika, de ko iwa ma titi genangino. Masara duru ma deka-dekanuku de Ma Jou waputuhokau abe ahao hokokia yamake manga hohowono, de manga bobinaaha gea ko wawohangua masara ka itigi moduku. Ho ngini ufa niahigihene onangika gea.