Yeremia 3:21 - Ma Jou ai Demo-demo o Totobelohoka

²¹ Masara abeika nia datoro gea ma hofoko. Angamoi ma oraha naa de ka idadi hoihene ngini o Isiraele ma nyawa nia ilingi o loku-lokuoka. Abe ngini niari-ari de nimagahoko o dora ma hiokoo ma titi nia kangela inidaenoka. De gea igoungu ngini nikangela angamoi nimangirikoka la o howo-howono ma ngekomo nianiiki, de nihiporetoka Ngohi nia Jou o Yawe ho ko iwa nia hingounu ahi demoino.

Yeremia 3:21 ပူးပေါင်းရင်းမြစ်များ

Sosawaro 10:9

Ona gea abe manga demo ma gou-goungu hiadono ka idadi hongaku manga behehongika ona ko yorubaua de ko yorehenua arihonongaika. Masara ona abe ka ihikaika ma gou-goungu yodokaowara, ona gea ka ihikaika yoruba ma dorouika de o nyawa utu yahioriki abe yotobadiai ma dorou.

Yeremia 18:15

Masara nako to Ngohi ahi nyawa ona gea hokogenangua angamoi manga rorahai ko ihikaikaua naga. Abe ona gea yomahirehene Ngohioka de ma homoaika, de ona yotobatufu-tufuku o manyanyi o jou-jou ma homoaika. De ona duru yokangela yaniiki manga totofora manga wowango ma ngekomo ma rorahaiika, ho yorehenoka la yaniikoli o dodagi ma dorouika de ka yotobapele-peleke dika manga wowango ma dodagioka. Hokogea ahi hiketero ma demo ma titi ahi nyawa gea.”

Gegetongo 22:32

De Ma Jou o Yawe ai malaekata iwitaere o Bileamika wato, “Adodoa ho ngona ani keledai napoha-poha hiadono naa ma hangeou napoha? Abeika, ngohi naa toboa la ani dodagi ma ngekomika tatatoko la ufa nogila-gila angamoi ngohi tonihioriki abe ani hininga ma dodagioka tamake ngona ko nomahidodiaiua naniiki Ma Jou ai mau.

2 Korintusu 7:10

De gea igoungu naga o hininga ma huha o fara moi abe Ma Jou ka idadi wapake nanga hiningaka la gea ka idadi ihihofoko o toduba nanga hiningaka. De nanga todubaino gea hiadono hanoa nanga howono de hiniikoli Ma Jouika. De gea ahao nanga gogao ma rorahai ilioli Unangika, ho ngomi ka idadi duru misanangi ma titi o hininga ma toduba gea angamoi ihihofoko ma rorahai o nyawa manga wowangoka. Masara nako o hininga ma huha abe iboa ka o duniaka de aino, gea ko idadiua yaduhunu o nyawa manga howonino, ho o duniaka ma hininga ma huha ihihofoko ka o hone-honenge dika.