Yeremia 2:21 - Ma Jou ai Demo-demo o Totobelohoka

²¹ Masara ma dodihiraino gea de ngini tinietongo hoka o angguru ma roehe duru ma rorahai ho Ngohi tinidatomo ahi tonakoka. Masara ipahaino de ahi datomo gea imaturuuruoka, abe ma titi ngini nidadioka hoka o angguru ma roehe ma fuhuku ho ti ngini nia hofoko duru itorou de iwederoka. Ho ngini done ma titi o kia hiadono nimahitorouoka hokogea?

Yeremia 2:21 ပူးပေါင်းရင်းမြစ်များ

Dodadi 32:28

Ho gea wihingahu wato, “De naa tonihingahu ngona ani romanga ko o Yakubokaua masara naa tonihiromangoli o Isiraele ma titi nimaketeribuutu de Ma Jou angamoi ngona duru noputurungu hiadono ngaro de Ma Jou ma, nimaketeribuutu. De ngaro nimaketeribuutu de o nyawa, ma, mata-mataika ka ngonahi nolaku.”

Higiriiri 105:6

Abeika ngone naa o Abarahaama ai totoforauku! Abe o Abarahaama ai hininga la ka ihikaika wileleani Ma Jou, Ngone naa Ma Jou wonairikoka la hodadioka to Una ai nyawa, Abe ngone o Yakubu ai ngofa-ngofakuku womahitouna.

Huhupu 15:17

Ngona ma hirete ani nyawa nahingohama manga tonakika, De genangoka Ngona nadatomuku, ani behehongo ma tonakoka gea, Ngona Ma Jou o Yawe ona nahigogere to ngona ani lokuoka, Angamoi ma ngi gea nairikoka la idadi to Ngona ani tau. Ngona Ma Jou o Yawe nodiai la ani ngi gea nomadingakokau,

Yesaya 5:4

“De Ngohi ka o kiali ka idadi todiai la tobaliara irahai ahi redi la ma hasili irahai? De adodoa ho ahi redi ihihofoko de ihihidoaka o fuhuku ma hofoko ma suka-suka? Angamoi Ngohi duru tonganono ma hofoko ma muti-mutiti genangino.”

Matiusu 21:33

De ahao o Yahudi ma nyawa manga hohidimono gea nagahi o Yesusoka de Una wahingahu o hiketero moioli onangika wato, “De naga womatengo o angguru ma redi wodatomo. Wodatomo ibooto de wohigilolitino wadaduhu ai angguru ma redi gea. Wadaduhoka, de ahao wodiai o baiti moi abe idadi o angguru ma teongo ma ngi. De ahao moi wodiai abe o redi yogoa-goana manga tau. De gea mata-mata wabootoka de o nyawa yamuruono naga ahao wahewa la wato ona yoogoana to una ai redi gea. De o redi ma dutu de yogoa-goana yomahiketehibehehongo la nako adonoka ma oraha abe ahao amake o redi ma hasili, de ahao ma hasilino gea yaregu la ahao ma hononga iwihidoaka o redi ma dutuika. De yomahiketehibehehongo ibooto de ahao o redi ma dutu wosobo de wotagi-tagi o tonaka utuikali.

Maruku 12:1

De ahao o Yahudi ma nyawa manga hohidimono gea nagahi o Yesusoka de Una womulaenge wodotoko abe wahiketero ona, wato, “De naga womatengo o angguru ma redi wodatomo. Wodatomo ibooto de wohigilolitino wadaduhu ma redi gea. Wadaduhu ibooto de ahao wofaiti o humu moi abe o angguru ma teongo ahao ihahuru genanguku. De ahao moi wodiai abe o redi yogoa-goana manga tau. De gea mata-mata wabootoka de o nyawa yamuruono naga ahao wahewa la wato ona yoogoana to una ai redi gea. De o redi ma dutu de yogoa-goana yomahiketehibehehongo la nako adonoka ma oraha abe ahao amake o redi ma hasili, de ahao ma hasili gea yaregu la ahao ma hononga iwihidoaka o redi ma dutuika. De yomahiketehibehehongo ibooto de ahao o redi ma dutu wosoboka de wotagi-tagi o tonaka utuikali.

Lukasa 20:9

De ahao o Yesusu wotemo o nyawa yowoe-woeika de o hiketero ma ade-ade moioli wato, “De naga womatengo o angguru ma redi wodato-datomo. Ho wodatomo ibooto de o nyawa yamuruono naga ahao wahewa la wato ona yoogoana to una ai redi gea. De o redi ma dutu de yogoa-goana yomahiketehibehehongo la nako adonoka ma oraha abe ahao amake o redi ma hasili, de ahao ma hasili gea yaregu la ma hononga iwihidoaka o redi ma dutuika. De yomahiketehibehehongo ibooto de ahao o redi ma dutu wosoboka de wotagi-tagi o tonaka utuikali la ai dekana womanoa genangoka.”

Yohanese 15:1

O Yesusu wahitararono ona iwitobaniikika de o hiketero ma titi ngone hingaku-ngakuoka. De hokonaa wohiketero de wapake o angguru abe o datomino. Una wato, “Ngohi naa o angguru ma roehe ma dutu de ahi Baba Una hoka womatengo ai angguru wapaliara abe wogoana de wokarajaanga.

Higalioli 32:32

De manga musu gea Ngohi taetongo tato ona manga hininga duru itotorou dika. Abe ona yomaketero hoka o Sodomo de o Gomora ma nyawa manga hiningali. Ho Ngohi tahiketero ona de o angguru ma roehe ma dorou, de manga angguru ma hofoko de ma bihaka, de ngaro ma hofoko ma hahaku masara enangoo duru imali dika.

Higalioli 4:37

De mangale ma titi Una duru wadora ti ngini nia totofora ho womaputuhu la winihiowa ngini manga totoforauku. Ho Una ma hirete winihihupu ngini o Mesiiri ma tonakoka de aino abe de ai kuaha duru kohaamoko wapake.

Yosua 24:31

De abe ma oraha o Yosua wowango de o Isiraele ma nyawa duru iwiniiki Ma Jou o Yawe. De ngaro una wohonenge ma, ona ka iwiniikohi Ma Jou o Yawe abe ma oraha manga hihira nagahi abe yomahikumuru de o Yosua. Abe ma oraha o Yosua wahihira-hira de Ma Jou o Yawe wodiai o heheranga ma ngoe manga hidogoronaka de waduhunu o Isiraele ma nyawa ma ngoe. De Ma Jou ai karajaanga gea o Isiraele ma nyawa manga hihira abe yomahikumuru de o Yosua yamake de to ona ma hirete manga lako. Ho ma oraha manga hihira gea ka yowangohi de o Isiraele ma nyawa ona Ma Jou ka iwiniikohi itiai.