Yeremia 2:2 - Ma Jou ai Demo-demo o Totobelohoka

² “Ngona kiani noiki o Yerusaleeme ma kotaika de nadofanga ahi demo onangika la ona mata-mata ka idadi yoihene. De hokonaa notemo onangika, nato, ‘Ngohi Ma Jou o Yawe tinihihohininga abe hokokia nanga gogao ma dihiraino. Abe Ngohi duru tinihininga ma oraha ngini ko itedekanuahi nidadi to Ngohi ahi nyawa, de gea nia hininga duru itagi Ngohino la niato nihihisanangi. Ma oraha gea ti ngini nia dora itagi Ngohino imaketero hoka o ngofeka momatengo abe ahao yoilaka de ami rokata ho duru midora unangika. De ma dihiraino gea ngini ka ihikaika nihiniiki o tonaka ma kakaahaino, abe genangoka ko iwa o joro.

Yeremia 2:2 ပူးပေါင်းရင်းမြစ်များ

Huhupu 14:31

Hokogea Ma Jou o Yawe womahimatoko de ai buturungu o Mesiiri ma nyawaika. De o Isiraele ma nyawa ka de yamake gea wodiai de duru yoherangaholi hiadono ona de manga horomati de ma hawanoka Ma Jou o Yaweika. Ho genangoka manga ngongaku ihititi iputurungu Ma Jou o Yaweika de ai gilaongo o Musaika, unangikaoo ma, ka iwingaku.

Huhupu 16:8

Ho ngini ahao winihidoaka o roehe abe ka idadi niaolomo o futu naa. De ahao o ngorumino de winihidoakoli o roti hiadono duru inikokiwedono homoi-homoiika o roehe de o roti. Ho de gea ena wodiaioka de duru winihitararono nginika abe ma titi o kia dika niakurubungu ngaro ufa de ngomino nimihigurubungu angamoi nia gurubungu ma demo gea ma dumutu duru Ma Jou o Yaweika!” Hokogea o Musa de o Harunu yahingahu ona mata-mataika.

Sosawaro 1:20

Abeika, o sosawaro ma gou-goungu Ma Jouino ka idadi hohiketero hoka momatengo ami hininga ma datoro duru itiai hiadono duru moigo o nyawa utu maduhunu la onangoo yowango itiai. Ho muna gea homihiromanga o ngo Sosawaro de hokonaa ami demo angamoi muna gea duru moluku o nyawa yomahidadidorou manga wowangoka. De ngaro o kiaika dika o nyawa yoiki masara o ngo Sosawaro naga manga ngekomoka de ka ihikaika o nyawa mahoko de o dodaere. De ngaro o ngi-ngioka abe o nyawa yomatoo-toomuino munangoo naga genangoka de maamo-amokiye mohidemo de o sosawaro ma demo la mato o nyawa yototoihene de yaniiki.

Yeremia 19:2

Abe ngini kiani nihupu o Yerusaleeme ma kota ma dadaduhu ma ngoranino abe ihiromanga o Rube Itefu-tefuruku ma Wale ma Ngorana. Nihupuoka de ahao ma digi-digino naga o Bene-Hinomo ma dola genangoka. Ho ma dolaka gea nimahiadono de ahao kiani niadofanga onangika to Ngohi ahi demo naa.

Yeremia 2:1

De Ma Jou o Yawe wotemo ngohino, wato,

Hosea 11:1

De Ma Jou wotemo wato, “O Isiraele ma nyawa ona gea Ngohi taetongo tato ona gea yomaketero hoka ahi ngofaka ma dutu. De ma dihiraino gea abe ona ko yotedekanuahi yodadi ahi nyawa de Ngohi duru tidora ahi ngofakika gea hiadono tiahoko la tihihupu o Mesiiri ma tonakino.”

Yunusu 1:2

“Yunusu, ngona nomaoko de noiki o Niniwe ma kotaika, o kota gea ma amoko abe duru de ma buturungoka, de onangika noiki la duru nahikokingahu onangika gea Ngohi tamake abe manga datoro duru itotorouholi.”

Matiusu 11:15

Ho onagona dika abe naga de manga ngaukoka kiani ihigihene ahi demoino gea!”

Lukasa 12:13

De ahao naga womatengo yowoe-woeino abe wotemo o Yesusika wato, “Ahi Guru, nako ka idadi, Ngona nihuloko ahi riakika la to ngomi mia baba ai kiahonanga waregu hinooto la ngohioo ka idadi tamake ahi oara mia babaino.”

Higalioli 2:7

Angamoi Ngohi nia Jou duru ka ihikaika tinihiowa abe ngaro nia datoro hokokia dika nidiai masara tinihiowa nginika. De abe nia dodagi naa ma goronaka, ngaro nia dekana o taongo moruatino nitagi-tagi o tonaka ma kakaaha ma amoko naa masara Ngohi ka ihikaika tinigoana de tininii-niiki de tinihidailako nia wowango ma perelu, ho moioo de ko iwa ti ngini nia perelu.’ Hokogea Ma Jou ai hitiari ma demo abe Ngohi tinidofanga nginika ma dodihiraka gea.”

Higalioli 33:3

De Una duru winidora ngini to Una ai nyawa, ho winitobapaliara irahai ngini mata-mata abe nidadioka to Una. De ngini nianii-niiki ai ngekomika, abe ma titi naga nia hingounu to Una ai dodotokika.

Yakobusu 4:4

De ngini naa tinihiketero abe ngini hoka o ngofeka momatengo ko magou-goungua ami rokatika masara mahowono de o nauru utuika. Angamoi ngini nimahiromanga Ma Jou ai nyawa masara nia dora itagi o dunia ma biahaikaoo, ho ngini ko niagou-goungua Unangika niwidora. Ho mode ngini ko nihiorikua abe nako nimaketedodiawo de o duniaika, gea igoungu niwilawana Ma Jouika? Ho onagona dika yomangiriki la yadodiawo o duniaika, ona gea yodadioka Ma Jou ai musu.

Himatoko 2:4

Masara naga moi ahi dodaere nginika. De gea tato ti ngini nia dora nia hiningaka, gea iowahoka ho ko imakadaenokaua abe hoka ma dodihiraka ma oraha ahao nihingaku Ngohino.