Yeremia 19:11 - Ma Jou ai Demo-demo o Totobelohoka

¹¹ Naumoka de ahao naga ahi demo moioli kiani nadofanga onangika, nato, ‘Ngohi naa o Yawe abe duru Tokokurutiye tinihingahu abe ngini ahao nimaketero hoka o rube ma wale gea abe itefu-tefuroka nia himangoka de ko idadiokaua o nyawa yodiai la iahumoli. Angamoi Ngohi ahao tohiaturu la o Yerusaleeme ma nyawa de o Yehuda ma nyawa mata-mataika tahibinaahaka. De manga hone-honenge ahao yapohu-pohuku naa o Tofetoka hiadono ma ngi akokiomangoka ho ko idadiokaua yalungunu nenangoka.

Yeremia 19:11 ပူးပေါင်းရင်းမြစ်များ

Higiriiri 2:9

De ona abe inalawana ahao Ngona napake hoka o boboha o behino, De gea ena ahao nahipoha onangika hiadono nahibinaaha. Ona gea hoka o boto o tonakino abe nohipoha de ani boboha gea, Ho ka de napoha onangika de duru yowede-wederuku.’ Hokogea Ma Jou o Baba ai demo Ngohino to Una ai Ngofakino.”

Sosawaro 6:15

Masara ona abe yotobadiai itorou hokogea ahao itodokanino de o bodito o kangelaino yadaene onangika. Ho to ona manga wowango duru awede-wederuku ka hiadono ko idadiokaua yomahinganono yotogumu.

Yeremia 19:12

De hokogea Ngohi Ma Jou o Yawe tahohowono ahi nyawa abe yogogere ma kotaka naa. Abe o Yerusaleeme ma kota ahao idadi itorou ahi himangoka imaketero dika hoka o wale ma ngi naa abe ihiromanga o Tofete.

Yeremia 19:6

Ho Ngohi tinihitiari nginika tato ahao naga ma oraha abe ma wale ma ngi naa ko ihiromangokaua o Tofete de ko ihiromangokaua o Bene-Hinomo ma dola. Masara ma oraha gea ahao ihiromanga enangika ato o Doma ma dola angamoi o Yehuda manga musu yatoma o nyawa manga ngoe nenangoka.’”

Hidingoto 21:11

Ho gea womitutumu ngomi de ahao o Agabusu waleino o Paulusu ai bulu de gea ena wapake la womahidapakiti ai louuku de ai giamino. De o Agabusu womahidapakitoka de ahao womihingahu ngomino abe hokokia ahao idadi o Paulusika. Ho una wato, “Hokonaa Ma Jou o Womaha ai demo nginika, abe Una wato, ‘O bulu naa ma dutu, una ahao o Yahudi ma nyawa manga hihira o Yerusaleemoka iwihidapakiti unangika. De ona gea iwihidapakiti duru imaketero abe hoka ngohioli naa tomahidapakitoka. De ahao una iwihidoaka o Roma ma poparetaika.’”

Himatoko 2:27

De o kuaha gea duru imaketero abe hoka Ngohi tamakeoka ahi Babaka de aino. De o kuaha gea tahidoaka onangika la ona duru yahipareta de ma dubuho abe imaketero hoka yapake de o behi, de gea ona ahao duru yahikala o dunia ma nyawaika gea abe imaketero hoka o boto moi o tonakino yapoha de duru iwede-wederuku. De hokogea ma kuaha abe Ngohi ahao tahidoaka ona yolaku-lakuika. De tahidoakoo onangika o lalaku ma dodunguu, de gea o Koruku ma Beka.”