Yeremia 18:14 - Ma Jou ai Demo-demo o Totobelohoka

¹⁴ “Ho naa tinihidoaka o hiketero ma demo. Nako homalega daku o Libanono ma loku-lokuiye, genangoka ka ihikaika naga ma gare-garehe angamoi o es ma awana akokitamunu ma loku ma geleforo gea. Duru ko ihoa-hoanua ho ma dudutumu ka ihikaika ma rorahai dika hamake. De ma akere ma maata dakena ka ihikaika ihahuruku ho o akere ma rorahai ka ihikaika naga.

Yeremia 18:14 ပူးပေါင်းရင်းမြစ်များ

Yeremia 18:13

Ho mangale ma titi o Isiraele ma nyawa manga pea itotogowini hokogea ho Ma Jou o Yawe wotemoli wato, “Abeika ahi nyawa abe ma dihiraino tairikoka la yodadi to Ngohi dika ahi nyawa. Nako ona gea de o dutu ma homoa mata-mataika masara ka to onangohi manga hininga de manga datoro duru itorou! Abe o Isiraele ma nyawa yodadi hoka to Ngohi ngohi fekata, ho koaho ona manga hiningaka de yatobagou-goungu yaniiki ka Ngohi dika. Masara ona manga datoro duru itorouoka!”

Yeremia 18:15

Masara nako to Ngohi ahi nyawa ona gea hokogenangua angamoi manga rorahai ko ihikaikaua naga. Abe ona gea yomahirehene Ngohioka de ma homoaika, de ona yotobatufu-tufuku o manyanyi o jou-jou ma homoaika. De ona duru yokangela yaniiki manga totofora manga wowango ma ngekomo ma rorahaiika, ho yorehenoka la yaniikoli o dodagi ma dorouika de ka yotobapele-peleke dika manga wowango ma dodagioka. Hokogea ahi hiketero ma demo ma titi ahi nyawa gea.”

Yohanese 6:68

De o Simono Peturusu wipaluhu o Yesusika wato, “Mia Baluhu, done onagonaika miloiki? Angamoi, o demo abe inahihira o wowango ka hiado-adonika, o demo gea naga Ngonaka dika igogere.