Yakobusu 5:2 - Ma Jou ai Demo-demo o Totobelohoka

² Angamoi ti ngini nia kiahonanga abe niatou-touniye, gea imulaengoka iwedere. Abe nia pakeanga ngaro iwoe masara gea ka parahaja dika abe imaketero hoka o gahiki yaolomoka nia pakeanga gea.

Yakobusu 5:2 ပူးပေါင်းရင်းမြစ်များ

Yesaya 50:9

Abeika, gea Ma Jou o Yawe Una ma hirete wohiduhunu ngohi, ho onagona ato bote ka idadi ihitae ngohino de yolaku? Ona gea ahao o binaaha dika yamake, abe imaketero hoka o nyawa manga kiahonanga o goguhu yaolomo hiadono duru awede-wederoka.

Lukasa 12:33

“Ho ngini naa ka idadi nia kiahonanga niafukunu dika de ahao abe ma tiwi gea niahikodoku o hu-huha ma nyawaika. La nia datorino gea de ngini ka idadi hoka nimahidailako nia kaya abe duru itongohono ka hiado-adonika. Angamoi nia utumu o Horogaka gea ko iwa yotobatohi-tohiki abe ka idadi inidohiki, de ko idadiua o goguhu yaolomo, ho nia utumu gea duru itongohono ka hiado-adonika.

Yakobusu 2:2

De abeika hafikirohi abe nako ngini nimatoomuinoka ho nia doomu ma goronaka de o nyawa womatengo woboaino abe naga de ai ali-ali o gurasino ai hagaraaraka de ai baju ma hohailoa womahinoauku. De ahao naga womatengoli wihidoduruino woboaino o huha ma nyawa abe to una ai baju imulaenge ibabiti.

1 Peturusu 1:4

De nanga utumu ma hohailoa gea tohiromanga tato nanga oara, abe to ngone nanga oara gea duru itongohono ka hiado-adonika. Abe duru ko idadiua o kia dika naga de ihirusaka enangika, de duru ko idadiua ikorofu, de duru ko idadiua imaai. De nanga oara gea nagau o Horogaka de inadodamaa ho ma oraha ngone homahiadoniyeoka de ahao hodafongo Unangino. De gea ma titi moioli hiadono ngone kiani hihigiriiri Unangika!