Yakobusu 5:13 - Ma Jou ai Demo-demo o Totobelohoka

¹³ De nako naga nginioka abe o kangela niaohana, gea ngini ka idadi nimagahoko Ma Jouino ai duduhunu. De nako nginioka naga utu abe nisosanangi dika koaho ngini ninyanyi la niwihigiriiri Unangika.

Yakobusu 5:13 ပူးပေါင်းရင်းမြစ်များ

Higiriiri 105:2

Ngone honyanyi Unangiye de gea hohinyanyi nanga higiriiri Unangiye. De ai heheranga wodiai gea haade-ade o nyawa mata-mataika.

Higiriiri 18:6

Ho ahi kangela ma goronaka de o duduhunu tomagahoko o Yaweika, abe to ngohi ahi Jouiye ahi gogahoko idoaiye. De Una gea daku ai Tau o Horogaka de wohigihene, ho Una wohibaluhu ahi gogahoko de wohiduhunu ngohi!”

Higiriiri 91:15

De ma oraha o duduhunu yomagahoko de Ngohi totoihene ho taduhunu. De manga kangela ma goronaka de Ngohi naga onangoka tagoana, ho gea taduhunu la hiadono ona yolaku de ahao naga o horomati yamake utuino.

Higiriiri 95:2

Hokokiboa to Una ai himangino la nanga tarimakase hohinyanyi Unangika, de nanga higiriiri ma nyanyiangino ka idadi hohirame-rame Unangoka!

Yunusu 2:2

“Ngohi naga ahi huha ma goronaka de ahao tomagahoko Ma Jou o Yaweiye de Una wohipaluhu. Ngohi tomahingahu tato, Ngohi naa imaketero hoka naga yohone-honenge manga ngi ma goronaka, ma ka de o duduhunu tomagahoko Ngonaiye de nohihigihene.

Yunusu 2:7

Abe gea ngade-ngade tohonenge de ahao tonihininga, Ngona Ma Jou o Yawe. De ahi niniata ma demo gea idoa Ngonaiye, hiadono ani Ngi ma Debi-debiniye imahiadono.

Matiusu 26:30

De yolomo ibooto de ahao o higiriiri moi yonyanyiokahi Ma Jouiye de gea ma tauino yohupuoka de ahao yoiki yodoa o Saitunu ma lokuiye.

Lukasa 22:44

De to Una ai hininga duru ihuhaholi, ho utuohi womaribuutu la womaniatoli de ai hininga ma gahumu. De hokogea ma amoko ai huha hiadono ai gahauku ihupu ai badangino de gea ma rupa o awunu abe itubukuku ai badangoka de dau ma tonakuku.]

Lukasa 23:42

De ahao witemo o Yesusika wato, “Yesusu, duru togahoko la ma oraha Ngona nahikoano ani nyawaika de nohihininga de nohidafongo ngohi naa.”

1 Korintusu 14:15

Ho kiani hokokia todiai? Ngohi igoungu kiani tomaniata de to ngohi ahi nyawa. Masara ngohi tato koaho tomaniata de ahi hiningaoo, la ufa ka to ngohi dika ahi nyawa. De hokogenangoli abe tonyanyi. Nako tonyanyi de tihigiriiri Ma Jouiye, gea igoungu to ngohi ahi nyawa tapake. Masara kiani ahi nyawaoo de ahi hiningaoo tapake, la ufa ka to ngohi ahi nyawa dika tapake.

1 Korintusu 14:26

Ahi gogianongoru, abeika ngohi tohidotoomuino ahi dodotoko ma titi ka ma moi. Abe ngini ma getongo nimatoomuino la niwihigiriiri nanga Baluhu idodutu de ngini homoi-homoi ka idadi nihiboa nia hiakunu ma hofokino moi. Abe nginioka bote yomatengoani ato yonyanyi o higiriiri ma nyanyianga moi, de yomatengoli naga o dodotoko ihiboa, de yomatengoli bote Ma Jou ai hingahu ma demo moi yodafongo abe Una ka wobawilika wahingahu ai demo gea manga hiningaika. De bote yomatengoli nginioka ato yotemo de o demo o fara moioli, de yomatengoli naga abe ma demo gea yatobatao-taoko ma titi la hiadono manga dodiawo manga demo gea ka yakunu yahitararono ngini mata-mataika abe nimatoomuino genangoka. Masara abe mata-mata naa ena, iti ti ngini nia demo mata-mata nitemo la niato inihikokiputurungu de inihikokigaro ngini mata-mata ma totiaiika, angamoi tanu hokogea nia demo ma hidumutu. Hokogea o doomu ma hiaturu.

Efesusu 5:19

De gea ahao ma oraha ma getongo nimatoomuino de ka idadi nimahikokagaro nia ngongakuoka de o higiriiri ma bukuino abe ma dihira ihitulihukuoka, de o nyanyianga utuino naga abe niwihigiriiri Ma Jouika. De gea ka idadi ninyanyi de niwihigiriiri nanga Baluhu idodutuika de duru nia hininga ma gahumino.

Ibarani 5:7

De nako ma dihiraino ma oraha o Yesusu nagahi o dunia ma lokuokahi de Una naga de ai roehokahi abe imaketero hoka ngoneoli, de ma oraha gea Una duru womaniata de o duduhunu womatobagahoko ai Babaiye, abe womaniata de ai ilingi ma amokiye de nagali ai koongo itifa. De abe womagahoko o duduhunu ai Babaiye de gea ai Baba tanu ka idadi widuhunu la ngaro ufa dika de ai Ngofaka wohonenge. De mangale ma titi o Yesusu womahitipokouku de wihoromati ai Babaika, ho ai Baba wigihene de wopaluhu ai niniata ma demoika de widuhunu Unangika.

Yakobusu 5:10

De ahi gogianongoru, naa tinihihohininga abe ma titi nanga gogianongoru ma dodihiraino Ma Jou ai uru ma dodofanga, la ngini ka idadi nimaaduru abe hoka onangoli ma titi manga dongohono. Abe ona gea Ma Jou wapake la to Una ai hingahu ma demo yatobadofanga o nyawaika, masara o nyawa utu duru yahikangela onangika. De ngaro hokogea manga kangela yohimanga masara gea de ka yomatongohonohi de manga hininga ma miriidi.

Himatoko 14:3

De ma ilingi ma amoko gea o nyanyianga ma hungi abe naga yonyanyi duru ilamokiye to Una ai pareta ma kadera ma hohailoa ma himangoka. De gea to onangoo manga himangoka abe ma aewani ma ngango iata de o dimo-dimono abe ona ka ihikaika naga genangoka. De ma nyanyianga ma demo gea to Una ai nyawa yasana o ratuhu moi de moruata de iata, ka ona dika yakunu yaniiki yonyanyi, de nako utu duru ko moiua abe yakunu ma nyanyianga ma hungi gea yaniiki. De ona abe naga Unangoka, ona gea abe Una wabanguoka de ai awunu o duniaka de aino la genangino wahihohe o tobabudi gea ma kuahaino.

Himatoko 7:10

De gea ona yopoa-poakiye iwihigiriiri de manga ilingi ma amokiye ato, “Hihigiriiri Unangika ma titi abe ngone wonaduhunoka! Hihigiriiri nanga Jou wogogeruku to Una ai kadera ma hohailoaka, de ma Domba ma Ngofaka, gea duru Onangoka dika de aino ngone hamakeoka nanga duduhunu!” Hokogea ona manga ngoe-ngoe manga higiriiri ma demo.