Yakobusu 3:18 - Ma Jou ai Demo-demo o Totobelohoka

¹⁸ De igoungu nako Ma Jou ai totiai ma hofoko hoigo hamake nanga hidogoronaka, gea kiani nanga borigogao duru hoogoana de hohidodiai homakadame. Angamoi nako hiadono ngone hotobagoana nanga borigogao mata-mataika, gea ahao ka idadi ihihofoko Ma Jou ai totiai ngoneoka.

Yakobusu 3:18 ပူးပေါင်းရင်းမြစ်များ

Matiusu 5:9

De nako naga abe yomaketeribuutu de o nyawa utuoli yatobaduhunu onangika la hiadono yahikadame ona de o dame ilaku genangoka, ona abe yahikadame gea yamake ma hiowa Ma Jouino. Angamoi ona gea ahao wahiromanga onangika wato to Una ai ngofa-ngofaka.

Yohanese 4:36

Abe ona yautuku gea manga karajaanga de ma utumoka angamoi manga hasili gea amake o wowango ka hiado-adonika. De ngaro ona yodatomo eko ona yautuku ma, manga garago imakadaene manga hasilino gea.

Galatia 6:8

Ho ngone onagona dika abe nanga badanga ma hafini ma dorou hodatomuku de hapaliara, de gea ma hofoko o honenge de o gorofu nanga wowangoka. Masara nako hodatomo gea abe imakiniiki de Ma Jou o Womaha ai mau ngoneino, de gea ma hofoko ahao o wowango ka hiado-adonika.

Filiipi 1:11

De nako hokogea nianiiki, ka ihikaika o totiai ma hofoko naga nia kokiwowangoka abe gea ma hofoko o Yesusu Kristusoka de aino. Ho ahao o nyawa inimake nia wowangoka ma totiai ma hofoko gea de hiadono ma bahaika o nyawa iwihoromati de iwihigiriiri Ma Jouika.

Ibarani 12:11

De igoungu nako Una wonadotoko ho ngone naga ai dodotoko ma goronaka, gea ngone hamao ko iuwinua masara ma dubuho dika hamao. Masara ma dodotoko gea ipahaino de ahao ihofoko nanga wowangoka o totiai ma datoro abe gea inahidoaka ngoneino o hininga ma miriidi. De gea ena ma hofoko ma rorahai ka idadi hamake nanga dodotokino iti homahigunoa la homadotoko genangino de ufa ko hohigihenua Ma Jou ai dodotokika.

Yakobusu 1:20

Angamoi nako ngone o nyawa nanga ngamo ipuda gea ko ihihofokua de Ma Jou ai totiai ma hofoko, masara tanu nanga ngamoino gea de to Una ai totiai hata-tatoko la ufa ihofoko.