Yakobusu 2:8 - Ma Jou ai Demo-demo o Totobelohoka

⁸ De nako homalega to Una ai Demo-demoika, genangoka hamake nanga Koano ai huhuloko ma demo abe duru ikurutiye itemo ato, “O nyawa utuika kiani niadora imaketero hoka ti ngini nia roehe ma hirete niodora.” De nako ngini niagou-goungu nianiiki to Una ai demoika gea, gea ngini nidiai irahai.

Yakobusu 2:8 ပူးပေါင်းရင်းမြစ်များ

Yunusu 4:4

De ahao Ma Jou o Yawe wotemo o Yunusika wato, “Ahi ngofaka, sarakia, gea itiai nongamo ma titi gea Ngohi todiaioka?”

Yunusu 4:9

De Ma Jou wileha o Yunusika wato, “Ahi ngofaka mode itiai nongamo hokonaa ma titi ma gumi-guminika abe ihonenge gea?” De o Yunusu wopaluhu wato, “Nako ngohi, marai tato itiai tongamo dika, ngaro hiadono ka todohonengika.”

Matiusu 22:39

De nagali ai pareta moioli abe ngade-ngade imaketero ma gurutiye, de gea ma pareta inahigaro hokonaa ato, ‘O nyawa utuika kiani niadora imaketero hoka ti ngini nia roehe ma hirete niodora.’

Matiusu 25:21

De ai dutu woihene ai demoika gea de duru widosanangi ai duduhunika ho wato, ‘Ani tagongo gea ngona duru nao irahai, de ngohi tosanangi abe ka idadi toningaku ngonaika ma titi ani karajaangino. De ngohi ma dihiraino de tonihitagongo abe hatoli ma hohutulu dika ahi tiwino, de gea nodiai duru irahai. Ho naa utuohi iwoe ka idadi tonihitagongo ngonaika. De ka idadi ngona de ngohi homakutuono hohirame-rame to ngone nanga utumu de hogogarago ma titi genangino!’”

Matiusu 25:23

De ai dutu woihene ai demoika gea de duru wosanangi ho wato, ‘Ani tagongo gea ngona duru nao irahai, de ngohi tosanangi abe ka idadi toningaku ngonaika ma titi ani karajaangino. De ngohi ma dihiraino de tonihitagongo abe hatoli ma hohutulu dika ahi tiwino, de gea nodiai duru irahai. Ho naa utuohi iwoe ka idadi tonihitagongo ngonaika. De ka idadi ngona de ngohi homakutuono hohirame-rame to ngone nanga utumu de hogogarago ma titi genangino!’”

Matiusu 7:12

De o Yesusu wogila-gilali wadotoko onangika wato, “De nako ngini nioigo la o nyawa iniao irahai nginika, gea kiani ngini nihira niao irahai onangika. De nako ngini duru niao irahai o nyawa mata-mataika, gea o Musa ai Pareta moioo de ko niatilakurua. De ngaro Ma Jou ai uru ma dodofanga ma dodihiraino manga demo ma enangoo moioo de ko niatilakurua. Angamoi nako hiadono o nyawa niao irahai de tanu Ma Jou ai Demo-demo mata-mata nianiikoka, angamoi ahi demoino gea de ihidotoomuino ka ma moi de to Una ai demo mata-mataika.”

Roma 13:10

De nako ngone homakodora de o nyawa utuika, gea ma dorou ngone duru ko hodiaiua onangika. Ho genangino de duru itararono abe nako ngone homakodora gea Ma Jou ai Pareta ko hatilakurua masara duru itiai haniiki enangika.

Galatia 5:14

Angamoi nako ngone ka ihikaika homakodora, gea tanu haniikoka Ma Jou ai Pareta mata-mataika. De gea igoungu angamoi nako Ma Jou ai Pareta mata-mataika gea ka idadi hohidotoomuino de ka ma moi hohidefetongo de ma demo moi dika, gea hokonaa, abe itemo ato, “O nyawa utuika kiani niadora abe imaketero hoka ti ngini ma hirete nia roehe niodora.”

Filiipi 4:14

Masara ngaro ma dodotoko gea tohioriki, masara naa duru tosanangi ma titi ahi kangela ma goronaka naa de ngini o duduhunu nihikodoku ngohino.

1 Tesalonika 4:9

De naa minihigaro nginika la ngini mata-mata nimakodora nia gogianongoru mata-mataika. De mia higaro ma demo gea tanu koaho ka ngaro ufa dika de mitulihi nginika, angamoi igoungu nengokadauino de Ma Jou winidotokoka abe hokokia kiani nimakodora.

Yakobusu 1:25

Masara nako Ma Jou ai behehongo ma demoika, koaho irahai o nyawa ka ihikaika yomalega genangika. Angamoi to Una ai demo gea duru itotiai dika de ena gea ka idadi inahihupu o howono ma kuahaino la hiniiki ka Unangika dika. Ho onagona dika abe Ma Jou ai behehongo ma demoika ka ihikaika yomalega, ona gea ahao Ma Jou wahiowa onangika ma titi manga datorino. Angamoi ona ko yomakadaenua de una gea abe ka woihene dika Ma Jou ai demoino de ka de uku de to ena ma titi wawohangoka ho ko waniikua. Masara ona gea yatobaniiki Ma Jou ai demoika la genangino de Ma Jou ai mau yotobadiai. Ho mangale ma titi ona yomanoa Ma Jou ai demoka ho Una wasanangi onangika.

Yakobusu 2:12

De masara nako ngini naa, kiani ti ngini nia hininga ma dora ka ihikaika niapake abe ngaro hokokia dika nitemo eko ngaro o kia dika nidiai nia wowango ma goronaka. De gea o hininga ma dora kiani ngini niapake angamoi ahao Ma Jou winiurusu nginika ma titi to Una ai doraino de ko ma titiua ai Pareta ma dodihiraino de winiurusu. Abe Una ahao winiurusu ma titi ai behehongo ma demoino abe inahihupu o howono ma kuahaino la ka idadi hiniiki Unangika dika. Ho genangino de ka idadi ngini niamake abe to Una ai hininga ma dora gea winihimatokoka nginika abe ai behehongo ma demo ma goronaka, ho gea nginioo kiani nia hininga ma dora ka ihikaika niapake nia wowango ma goronaka.

Yakobusu 2:19

“De ngini niangaku ma demoika abe inahingahu ato Ma Jou Una gea ka womatengo dika. De gea niagoungu. Masara ngaro o toka-tokata ma enangoo yangaku ma demoika gea, de hongoli ena gea duru ifafara angamoi ihioriki ahao Ma Jou wahohowono enangika. Ho gea itararono abe ngaro o toka-tokata naga de ma tobahiorikoka ma titi ihioriki abe naga Ma Jou, masara gea ko ihiutumua enangika la ufa Ma Jou wahohowono enangika.”

Yakobusu 4:11

Ahi gogianongoru, ufa ngini nimahiketehikangela ma titi nia gogianongoru manga roma-romanga niawea-weara. Angamoi onagona dika abe manga gianongoru ai romangika yawea-weara de hiadono ngade-ngade hoka iwihohowono una manga gianongoruika, ona gea yawea-wearoo Ma Jou ai Paretaika. Angamoi to Una ai Paretaka de naga ma behehongo abe ato kiani ngone homakodora. Ho nako ona ko yaniikua gea ma behehongika, gea imaketero hoka yawea-wearoo to Una ai Paretaika. De gea ka idadi hohiromanga hato ona gea tanu ato yahohowono ai Paretaika gea. Masara abeika, nako o nyawa ato yahohowono ai Paretaika, gea ma Pareta ko yaniikokauali masara yomahidadioli yato o nyawa abe yatobauru-urusu to Una ai Paretaika.

1 Peturusu 2:9

Masara nako ngini hokogenangua. Angamoi ngini naa nidadioka to Una ma hirete ai nyawa duru ma hohailoa. De nidadioo o hidemo ma nyawa abe niwitobaleleani nanga Koano Ma Jouika. De ngini o doomu moi abe nitebi-tebini angamoi Una womadingakino ngini la nidadi to Una ai nyawa. De gea ngini nidadioka to Una ai nyawa la Ma Jou ai hininga ma datoro ma hohailoa ngini niahingahu-ngahu o nyawaika. De ngini duru nihiorikoka ai datoro ma hohailoa gea, angamoi Una nengokadauino de winihihupuoka o fufutu ma kuahaka de aino de winihigogeroli to Una ai dararonoka abe duru ihohailoaholi. Ho to Una ai datoro gea abe ngini kiani niahingahu-ngahu o nyawa-nyawaika.