Yakobusu 2:15 - Ma Jou ai Demo-demo o Totobelohoka

¹⁵ Abe nako hoka naga yoboaino nia gianongoru abe duru yohuha ma titi manga baju ko iwa de manga inomo enangoo ma ko iwaka.

Yakobusu 2:15 ပူးပေါင်းရင်းမြစ်များ

Maruku 14:7

Nako o huha ma nyawa, gea ka ihikaika naga nia hidogoronaka, de o wange o kia dika de niato niaduhunu ma ka idadi niaduhunu dika. Masara Ngohi naa ko ihikaikaua nginioka.

Lukasa 3:11

De o Yohanese wapaluhu onangika wato, “Onagona dika nginioka abe nia baju ma biri-birini naga hinooto, gea moi niahidoaka o nyawaika abe to ona manga baju ma biri-birini ko iwa. De nako nia inomo naga iniwedono, enangoo ka idadi utu niahikodoku onangika abe manga inomo ko iwa.”

Hidingoto 9:29

De naga genangoka o Yahudi ma nyawa yamuruono naga abe yotemo-temo o Yunani ma demo dika, de ona de o Saulusu yomakoketemo ma titi o Yesusu ka hiadono yomaketeloliliara. De ma bahauku ona iwihidee la ato iwitoma o Saulusika.

Ibarani 11:37

De utuoli yahakaru onangika hiadono yohonenge, de utuoli manga badanga yahipelaka de o garagaji, de utuoli yahitoma de o humarangino, de utu duru yohuha abe ka ihikaika yomahinoauku de o domba eko o kabingi ma kaiino dika manga pakeanga. De ona gea duru ko kia-kiaua manga kiahonanga, de ka ihikaika o nyawa yahikangela onangika de yao duru ko irahaiua.

Yakobusu 2:5

Ahi gogianongoru abe duru tinidora nginika, abeika ngini nitotoihene ahi demoino naa. Nako ngini niahitipokouku o huha ma nyawaika, gea duru ko to Ma Jouua ai hininga ngini nianiiki. Angamoi nako Ma Jou ai hininga, Una wairikoka o huha ma nyawa o duniaka naa la ma titi manga ngongakuino de ona yodadi o nyawa abe duru de manga utumoka. De ona gea Ma Jou wahigogere to Una ai kuahaka la ahao Una wahikoano onangika, de gea duru imaketero abe hoka ma dodihiraino wohibehehongoka wato onagona dika yagou-goungu iwidora Unangika de ona gea ahao yogogere to Una ai kuahaka.

1 Yohanese 3:17

Masara nako ma titi o kiahonanga dika de ngone ko homakuduhunua ngone de nanga gogianongoru abe naga de manga kurangoka, gea done sarakia Ma Jou ai dora imanoa ngoneoka? Abe nako to ngone nanga wowango ma perelu abe inawedonoka de hamake to nanga gianongoru womatengo abe naga ai kuranga masara nanga hiningaka ihitatokoka ho ko hiduhunua ma titi ai perelu, gea inahitaanoka abe to Una ai dora ko itagiua to ngone nanga hiningaka.