Tobadotoko 7:17 - Ma Jou ai Demo-demo o Totobelohoka

¹⁷ De ngaro o dorou ma nyawa utu youmuru, masara ufa homahidadidorou dika la gea hafikiri nanga wowango ka idadi ikurutu o duniaka. De ufa hiadono o bodo ma hininga hatobaniiki, done genangino ma titi hiadono ka itodokanino de nanga bodito inadaene!

Tobadotoko 7:17 ပူးပေါင်းရင်းမြစ်များ

2 Samuele 6:20

De ahao o Dautu wolio ai tauika una wato onangoo wahiowa abe ai tauoka masara ngoi fekata o ngo Mikala, abe o Saulu ngoi ora, muna mohupu manga tauino mibuhuku ami rokata. De mitaere, mato, “Abeika o Isiraele ma nyawa manga koano! Done sarakia o nyawa ka idadiohi yomalega ngonaika de manga horomati? De o wange naa ngona nohirusaka o koano ma horomati! De ani popareta manga gogilaongo, abe utu o ngo-ngofeka, ngona duru manga himangoka de ani pakeanga nahuputu imaketero hoka o nauru ma dorou abe una womahekono o ngo-ngofeka manga himangoka. Hokogea ngona naa nodiai. De ngona o koano! Ho ko iwa ani maleke?” Hokogea o ngo Mikala mitaere ami rokatika.

Sosawaro 10:27

O horomati ma modongo Ma Jou o Yaweika yahiputurungu o nyawa manga wowangoka hiadono manga ngumuru yahitedekana o duniaka. Masara ona abe ko iwimodongua Ma Jouika, ho hiadono manga datoro ma dorou dika yanii-niiki, ona ahao ko yaperekikauahi de yohonengoka.

Hidingoto 12:23

De manga higiriiri ma demo gea o Herodese woihene de wodafongo dika, abe tanu koaho wataere onangika de wahigaro la ona iwihigiriiri ka Ma Jouiye dika de ko unangikaua. Ho mangale ma titi manga higiriiri wodafongo ho ka itodokanino de Ma Jou ai malaekata ka wihipoha unanguku de o panyake moi abe duru itorou. De ma panyake gea o kulubati duru ma dorou abe aolomo ai roehe doka ai badanga ma goronaka, de ko itedekanuahi de una wohonengoka.

Hidingoto 16:28

Masara ko womatomauahi de o Paulusu wiboaka wato, “Ufa nomatoma! Ngomi mata-mata nagahi, ko miloarua!”

Hidingoto 5:10

De ka itodokanino de munangoli ka mohidurubauku ho mohonengoka. De ma goo-goduuru yowohamino de imimake ami honenge daena ho imigoraka de imiao ma lungunu ma ngiika de imilungunu ami rokata ai honenge ai datekoka.

Hidingoto 5:5

Ka de o Ananiasa woihene ma demo gea de ka itodokanino de wohidurubauku ho wohonengoka. De ona abe yoihene ma titi gea idadioka unangika, ona mata-mata duru yokokihawanoka.

Yakobusu 1:21

Ho ngini niatingakika nia datoro de nia hininga ma dodorou eko ma pese-peseke o kia dika abe nagahi nginioka, de nimahitipokouku nia hiningaka la nianiiki Ma Jou ai hingahu ma demo abe Una wodatomoka nginioka. Angamoi nako ai demo gea ngini nianiiki, genangino de ka akunu iniduhunu o howono ma kuahaino.

1 Samuele 25:38

De gea iwidaenuku de ahao ai futu ngimoiokahi dika de Ma Jou o Yawe wihipoha unangika hiadono wohonenge.