Tobadotoko 5:14 - Ma Jou ai Demo-demo o Totobelohoka

¹⁴ Angamoi ka itodokanino de naga moi idadi hiadono manga tiwi ka aiaho, ho ipahaino manga gahe adonoka de ko iwaka manga ngofaka manga oara.

Tobadotoko 5:14 ပူးပေါင်းရင်းမြစ်များ

1 Kokoano 14:26

De o Sisaka gea wangika hiadono wongohama Ma Jou o Yawe ai Tau de wale ma kiahonanga abe duru de ma ijaka. De hokogenangoo wodiai o koano o Rehabeama ai tau ma goronaka abe womale ma kiahonanga mata-mata abe duru ma hali-hali ka hiadono o parangi ma dadatoko abe o Saloomo wodiai o gurasino enangoo waleoka.

Tobadotoko 2:26

De onagona dika abe iwihisanangi Ma Jouika, ahao Ma Jou wahidoaka o sosawaro de o tobahioriki de o garago onangika. Masara o tobahowono ma nyawaika de Ma Jou wahidoaka la ona ka idadi o kiahonanga de o kaya dika yomahidogo-dogo hiadono itou-touniye. De ipahaino de to ona manga kaya gea ka ihihanga angamoi ahao idadi to onangoli abe iwihisanangi Ma Jouika. Ho ona abe yomahidogo-dogo dika, to ona manga karajaanga ma hofoko tanu ko kia-kiaua ma titi. Abe gea imaketero hoka duru ka ma hoanino dika halegono.

Tobadotoko 5:13

De naga moioli ma dorou abe ngohi tamake naa o duniaka. Abe nako o nyawa manga hininga la o kaya itou-touniye onangoka, gea ma bahauku de manga huha enangoo itou-touniye.

Tobadotoko 5:15

Ho ngohi tamake abe ngone homoi-homoi ma oraha homaboa de hoboribululunoka de ka homahomoa dika. De hokogenangoo duru imakadaene ma oraha nanga gahe adonoka la hoborihonenge, angamoi ka homagiawawe dika. Abe duru ko idadiua nanga kaya homagao de de ngone.

1 Samuele 2:36

De naga ma oraha abe to ngona ani totoforauku ona yomaponuku to una ai himangoka abe tihidadi o hidemo ma gou-goungu. Ona ani totoforauku yomaponuku hokogea de ahao yomagahoko o tiwi de o inomo abe ka de manga huhaka de aino yotemo, ato, ‘Duru mimagahoko ngonaika mia hidemo Ma Jouika la nomihigunoa la ngomioo mikarajaanga miniduhunu o hidemo ma karajaanga ma goronaka. Hokogea mimagahoko la ngomioo ahao miamake o inomo ma hidoku ma hohutulu nia leleanino.’” Hokogea Ma Jou o Yawe ai hingahu o Elika abe una de ona ai tauoka ka imahikauku wahohowono ma titi una de ai ngofaka yahinooto manga horoodo o inomika hiadono ko yomalegaikakaua Ma Jouika.