De ona gea ka ihikaika yomahidadidorou dika, ho manga wowangoka aomangoka de ma dorou abe ma rupa naga ma ngoe. De ma dorou abe naga manga hiningaka hokonaa. Abe hoka manga datoro ko itiaiua, de manga lako itobahoroodo o kiahonangika, de o peseke dika yanii-niiki, de yomaketetaleana, de naga manga hiningaka la ato o nyawa yatoma. De nagali manga hiningaka abe yomaketeribuutu, de abe yoelu-eluku, de yomahiketehikokangela, de abe yatobahiade-ade ma titi manga dodiawo.
Titusu 2:3 - Ma Jou ai Demo-demo o Totobelohoka3 Ho naa moioli tonihibehehongo ngonaika, abe ona o ngo-ngofeka yapoperekioka genangoka, onangikaoo ma kiani nadotoko onangika abe imaketero hoka ma nau-naurikali. De gea kiani nadotoko onangika nato, “Ngini nia wowango ma datoroka kiani itebini la hiadono o nyawa utu ahao inihioriki abe ngini naa naga nia horomati Ma Jouika de ona ahao inihiorikoo abe ngini nia wowango nimahidoakoka Unangika la gea ka idadi niwileleani. Ho ngini ufa o nyawa utu manga wowango nihitobahiade-ade de ufa o daluku inihipareta. Masara koaho ngini kiani niahigaro o nyawa utuika la ma rorahai dika ona yaniiki. အခန်းကိုကြည့်ပါ။ |
Titusu 2:3
13 ပူးပေါင်းရင်းမြစ်များ
De ngohi togahoko nginika la nimidafongo muna gea abe hokokia itiai nanga Baluhu ai nyawa yomakadafongo. De togahokoo la ngini nimiduhunu de ami perelu abe o kia dika naga, angamoi munangoo nengokadauino de maduhunoka o nyawa yowoe-woeika. De ngaro ngohi naa ma hirete masara ngohioo mohiduhunoka. Ho ngohi duru togahoko nginika la nimidafongo irahai nanga gianongoru o ngo Febe.
Ho mangale ngini nidadioka to Ma Jou ai debi-debini ma nyawa, ho ufa hiadono naga nginioka ma dorou abe hoka o nyawa yomatengo de yomakitigi de abe ko manga fekatua eko manga rokatua. De ufa hiadono naga nginioka nimahitorou, eko naga nia horoodo o kiahonangika. Masara gea mata-mata ma hohutuloo de ufa nihigunoa nia hidogoronaka.
De ma ngo-ngofeka abe o garejaka yaduhunu, onangoo ma kiani manga wowango hokogea itotiai hiadono o nyawa utu yahayanga onangika abe imaketero hoka ma nau-nauroli. O ngo-ngofeka gea ufa yotobahiade-ade masara kiani ona ka yakunu yomatongohono de ka ihikaika manga gogianongoru ka idadi yangaku onangika.
De o gareja ma duduhunu, onangoo ma kiani o nyawa utu yahayanga onangika abe imaketero hoka o gareja ma hihirali o nyawa yahayanga onangika. Ho o gareja ma duduhunu gea, kiani manga wowango itotiai. Ufa ona yomahihawo-hawo dika de manga ngeluku ma demo, de ufa o nyawa abe o angguru ma gohaka ma teongo ifoloiholi yokere, de ufa ona abe yosanangi yarusi o nyawaika la hiadono manga tiwi yomamake genangino.
Masara, ahi ngofaka, ahi demo gea ko ma titiua abe kiani ka o akere biaha dika naokere la ani wowango ka ma hohailoa dika. Hokogenangua, masara abe ngohi tonihigaro hokonaa, tato, ibootohi ngona ka o akere biaha dika naokere, ma kiani o angguru ma gohaka ma teongo ma hohutulu naokere. Angamoi tonihioriki ani pokoro ma ngoe iruwae done hiadono nopanyakeuku, de ma angguru gea ka idadi iniduhunu la ani pokoro gea hatoli iriidi.
Abe una gea kiani o nyawa abe ai wowangoka ko iwa ai datoro ma dorou, ho o nyawa utu duru ko idadiua iwitae unangika, angamoi una gea Ma Jou wihitagongika la wato una gea watobagoa-goana ai gogianongoru o garejaka. De nako naga womatengo nato nigoraka la una ahao wodadi watobagoa-goana o garejaka, ho una gea iti ufa hiadono womahitobakurutiye eko wotobatualono eko womatobadaluku eko watobapoha o nyawaika ma titi ai ngamo. De iti ufa womatengoani abe wosanangi o nyawaika warusi la hiadono ai tiwi womamake genangino. Ko idadiua ai wowango ma datoro hokogea.
De ngini naa ma deka-dekanuku niwingaku Unangika, ho tanu nidadioka o tobadotoko ma nyawa de niadotoko nia gogianongoru utuikali. Masara ngini hadongoo de ma oraha naa kiani o nyawa inidotokoli abe o dodotoko ihira-hira nginika abe Ma Jou ai dodotokino. De gea ngohi tinihiromanga tato ngini nidadiokali hoka o ngofa-ngofaka abe niperelu o huhu ma teongoli angamoi ko niakunokauali niaolomo o inomo ma dodogowini.
“Masara naga moi ahi dodaere nginika, de gea ma titi abe ngini ka nimihigunoa la ma ngofeka gea o ngo Isebele madotoko de mahirehene ahi gogilaongo utu nginioka. De muna gea momahiromanga mato bari to Ngohi ahi uru ma dodofanga, masara genangino minielu-eluku nginika. De muna gea mahigaro ahi gogilaongo genangoka la mato o pangaoika yaniiki, abe gea ma titi mahigaro la yodiai o howono manga badangoka de nagali mahigaro la yaolomo o inomo abe ihihubaka o pangaoika.
ကြော်ငြာတွေ