Sosawaro 9:9 - Ma Jou ai Demo-demo o Totobelohoka

⁹ Ho irahai niadotoko onangika abe yososawaro angamoi de ahao utuohi yaniiki itiai o sosawaro manga wowangoka. De ma oraha niadotoko o totiai ma nyawa de manga tobahioriki utuohi ilamoko yamake manga wowangoka.

Sosawaro 9:9 ပူးပေါင်းရင်းမြစ်များ

Sosawaro 1:5

De ngaro ona abe yososawaroka masara onangoo youtumu nako yomadoihene o Saloomo ai hiowa ma demoino nenanga la gea manga sosawaro idogoli genangino. De ngaro o nyawa abe yomadotoko ma ngoeoka, masara manga sosawaro abe yamake o hiowa ma demoino naa ahao naga manga hiningaka de ma demo gea imaketero ka ihikaika yahihira-hira manga wowangoka.

Sosawaro 10:14

De ona yososawaro ka ihikaika yoigo manga tobahioriki idogo. Masara ona abe yobodo yowarodemoholi de yofeto-feto dika ho hiadono de manga demoino dika de yomagahoko o kokangela.

2 Peturusu 3:18

Masara koaho ngini ka ihikaika nioaguru nia ngongakuika la to Una ai owa utuohi ma amoko niamao nia kokihiningaka. De koaho ka ihikaika idogo-dogo nia tobahioriki la utuohi itararono niwihioriki o Yesusu Kristusika, abe Una gea nanga Baluhu idodutu de nanga Duduhunoo. Ho naa ngone ngaro ka hihigiriirioka Unangika ma oraha naa naga de ka hiado-adonika. Amin.

1 Yohanese 5:13

De ahi hurata ma demo mata-mata naa tinihidingoto nginika abe niwingaku Ma Jou o Ngofaka ai romangika. De tinihurata nginika la tato ahi demoino gea de ngini ka idadi duru nihioriki de nionganono abe o wowango ka hiado-adonika ngini niamakeoka.