Sosawaro 9:6 - Ma Jou ai Demo-demo o Totobelohoka

⁶ Ngohi tinihigaro la kiani nianoaika nia wowango ma datoro abe duru aniiki o bodo ma hininga. Ti ngini nia wowango ma datoro ma biaha kiani gea nioporetika la nimangalioli o datorika abe genangino niamake o wowango ma gou-goungu. Ti ngini nia perelu o dodotoko abe genangino niamake o sosawaro abe inihidumutu o sosawaro ma ngekomika.

Sosawaro 9:6 ပူးပေါင်းရင်းမြစ်များ

Sosawaro 10:17

Ona abe yataeroka de yahigihene manga dodaere, ona gea yaniiki o wowango ma ngekomika. Masara ona abe ko ihigihenua o dodaere ma demoika, ona gea yaniikoka o hirehene ma dumutu ma dorouika.

Sosawaro 13:20

Ngone abe hadodiawo onangika yosoo-sosawaro, ahao to ngoneoli nanga sosawaro ka idogo. Masara nako homakiniiki de o bodo ma nyawaika, ahao o kangela inadodamaa.

Sosawaro 4:11

Ngohi ma ngoe tonidotokoka o wowango ma sosawaro abe ngone o nyawa hamake o hiowa ma demoino la genangino ngohi tonihihira-hira o totiai ma ngekomika.

Sosawaro 8:35

Abe onagona dika yamake o sosawaro de gea yamakeoo manga wowango ikurutu o duniaka! De ona gea abe duru iwihisanangi Ma Jou o Yaweika.

Sosawaro 9:11

De angamoi nako ngini nihiniiki ngohi o ngo Sosawaro de ahao utuohi ikurutu nia wowango o duniaka. Abe o sosawaroino niamake nia ngumuru ma hidogo ma taongo.

Lukasa 13:24

“Gea ufa nipusingi ma titi yamuruono naga abe wadafongo Ma Jou. Masara naa ena ka idadi nimafikirohi. O Horoga ma ngorana ieteke, ho ngini kiani nimahiribuutu la ka idadi niwohama ma ngoranika gea. Angamoi tagou-goungu tinihingahu abe ahao naga ma oraha abe o nyawa manga ngoe yoigo yowohama genangika ma ko idadiokaua angamoi yokokapaangoka.”

Hidingoto 2:40

De o Peturusu nagahi ai demo ma ngoe abe wahikodoku onangika ho ai dekana wotemo-temo onangika, de duru wahigaro-garo onangika. Abe una wahigaro wato, “Ngini naa kiani nimahigunoa la Ma Jou winiduhunu nia hohowonino. Angamoi ngini niwoe-woe abe ma oraha naa niwango duru nirehenoka Ma Jouoka de aino ma gurutika!”

2 Korintusu 6:17

De naga moioli abe Ma Jou wotemo ai nyawaika la wato ona yomatingaka o dorou ma nyawaino, wato, “Ngini kiani nihupu o nyawa gea manga hidogoronaino la nimatingaka onangoka de aino. De ufa nimahitigi to ona manga kiahonangika abe ipeseke to Ngohi ahi himangoka. De nako hokogea nimatingaka Ngohino, de gea Ngohi ahao tinidafongo.”

Himatoko 18:4

De ahao o ilingi moioli toihene o Horogaka de aino, itemo ato, “To Ngohi ahi nyawa, ngini kiani nimatingaka gea ma kotaka de aino la ufa to ona manga howono nginioo nianiiki, done ahao manga kokangela ma hohowono ka ma moi inihidotadaene nginiukuoo.