Sosawaro 8:32 - Ma Jou ai Demo-demo o Totobelohoka

³² “Ho ngohi o sosawaro tinihiromanga ngini o nyawa mata-mataika to ngohi ahi ngofa-ngofaka de duru togahoko nginika la nimadoihene ahi demoika. Ngini nako nianiiki to ngohi ahi ngekomika ngohi tinihiowa ho duru nisosanangi.

Sosawaro 8:32 ပူးပေါင်းရင်းမြစ်များ

2 Samuele 22:22

Angamoi ngohi tatobaniiki to Una ai pareta ma demo, de Unangika ko tiporetua ho ma dorou dika toporete.

Higiriiri 18:21

Angamoi ngohi tatobaniiki to Una ai pareta ma demo, de Unangika ko tiporetua ho ma dorou dika toporete.

Sosawaro 29:18

Nako o nyawa o dutu moioka de yoluku yotoihene Ma Jou ai behehongo onangika, ona gea yahiraramaka de manga hafini o dorouika. Masara onagona dika yotobahingounu to Una ai Paretaika, onangika gea Ma Jou duru wadosanangi.

Sosawaro 3:13

O nyawa abe yamakeoka o sosawaro Ma Jouino, ona gea duru yosanangioka manga wowangoka. De to ona manga utumu gea ka ihikaika utuohi yomangaratii itiai o tobahioriki ma gou-goungika.

Sosawaro 3:18

Ho nako ngona duru nomahigagao o sosawaroika gea de ahao utuohi ikurutu ani wowango o duniaka, abe ka idadi o sosawaro hohiketero hoka o gota moi abe nako naolomo to ena ma hofoko de ihidogo ani wowango ma dekana o duniaka. De imaketero hokogea idadi mangale ngona nomahigagao o sosawaroika abe genangino inihiowa ma ngoe ani wowangoka.

Sosawaro 5:7

Ho gea ahi ngofa-ngofaka nia baba ahi demo nenanga duru togahoko la ngini nihidodiai nihigihene ahi demoino naa. De ufa niodokaowara ahi demoika la ka de niamake abe ka idadi inihibodito de ahi demo naa naga nia hiningaka de inihitiari.

Sosawaro 7:24

Ho ahi ngofa-ngofaka, ngini nihihigihene nia baba, kiani nitotoihene ahi demo naa!

Lukasa 11:28

De o Yesusu wopaluhu wato, “Iya, nagoungu, masara hongoli o nyawa manga sosanangi ilamoko abe yototoihene Ma Jou ai Demo-demoino de yatobaniiki enangika.”