Sosawaro 8:28 - Ma Jou ai Demo-demo o Totobelohoka

²⁸ Abe ma oraha o lobi Ma Jou wakelenga o dihangoka de ngohi o sosawaro naga Unangoka. De ngohioo naga Unangoka ma oraha wohidadi la o gahi ma goronaka naga genangoka o akere ibubungiye.

Sosawaro 8:28 ပူးပေါင်းရင်းမြစ်များ

Dodadi 1:9

De ahao o wange ma hangeokali Ma Jou womatemoli wato, “Ngohi toigo la o dihanga ma timiuku o ngooto ma akere gea kiani ihahuru o doomu moiika dika, la o tonaka ma dudungu naga.” Hokogea wotemo de hokogea idadi.

Dodadi 8:2

O kiaka naga o akere ibubungiye o tonakino gea ma biono imakahumokali. De gea daku o lobioka o awanoo abe ipuraraha koharikimi enangoo naa iogoroka.

Higiriiri 104:7

Masara ka de Ngona nohuloko o ngoo-ngootika gea de imahikabarihi, Abe Ngona nohiboa o kuruuhu de ma koroongo kohaamokiye, De imaketero hoka o ngoo-ngooto yomodongo enangika ho iloara.

Sosawaro 3:19

Ma Jou o Yawe ai sosawaroka de aino wohititi o dunia abe wotulaada. De gea to Una ai sosawaroino womangaratii hokokia wohigogere o dunia ma hoana de ena mata-mataika abe naga ma dihangoka.

Sosawaro 8:27

“Abe ngohi o sosawaro naga genangoka ma oraha Ma Jou ai dulaada ihira waregu la o dunia ma hoana idadi o dihanga. Igoungu, ngohioo nagau genangoka ma oraha abe duru ihira o gahi de ma lobi imakongohaminohi ma ngohi nagau.

Sosawaro 8:29

Ho ma oraha Ma Jou wohuloko o gahika la ufa yatilakuru to ena ma batingika de ngohi o sosawaro naga Unangoka angamoi ngohi tiniiki Una ma oraha o gahi ma batingi gea wohiaturu. De ngohi naga ma oraha o dunia wohigogere to ena ma ngioka.

Matiusu 8:26

De o Yesusu wapaluhu onangika wato, “Done ma titi o kia ho nihawana? De nia hawanino gea duru nimahitaanoka abe ti ngini nia ngongaku Ngohino ka ihutulohi.” Ho ka de gea wotemo ipaha de womaokoiye de ahao wataere o hidalokika de o akere ma ngootika gea wato, “Nomatogumoka de noriidoka!” Ka de wotemo ipaha de ma hidaloko itogumoka de ma ngooto duru iriidoka.