Sosawaro 8:24 - Ma Jou ai Demo-demo o Totobelohoka

²⁴ Ngaro o gahi Ma Jou ko wotulaadauahi de ngaro o akere abe ihira ibubungiye o dunia ma tonakino masara ngohi duru tohira wohihiboaino o sosawaro.

Sosawaro 8:24 ပူးပေါင်းရင်းမြစ်များ

Dodadi 1:2

De o dunia ena gea ihira ko iwahi ma rupa, abe hoka ma oraha naa, de ko iwahi ma kiahonanga abe hoka ma oraha naa iwangoiye o dunia ma lokuoka. De mata-mataika ka o akere ma ngootohi abe ka ikapusakohi. De ma ngooto gea atamunokahi de o fufutuohi hiadono mata-mataika duru ka ihidofufutuokahi. Masara Ma Jou ai Womaha de ai kuahaka naga womawooto o akere ma ngooto ma lokuino gea.

Higiriiri 2:7

De ahao ma Koano gea wohidogo to ai Baba ai hingahu, wato, “Ngohi naa Ma Jou ai koano abe womahitounangoka, Ho ma titi Ngohi, hiadono Ma Jou o Yawe ai demo hokogea, Abe Una ma dihiraino wohihingahuokau Ngohino wato, ‘Ngohi o wange naa de tomahitaanoka abe Ngona nodadioka ahi Ngofaka, De abe Ngohi tagou-goungu to Ngona ani Baba.

Huhupu 15:5

Ona hoka o hakaruoli ho ka yogila-gilauku hiadono dau o dowongiuku, Kohabiriniye ma gahi manga lokuino de ona gea ga dau.”

Sosawaro 3:20

Ho gea to Una ai tobahiorikino de o dunia ma goronaka naga ipelaka hiadono naga o akere ibubungiye de Una wohiaturu la o akere o lobino ipuraraha o duniauku.

Yohanese 1:14

O Demo Una womahidadioka o nyawa la gea ka idadi wogogere ngone o nyawa nanga hidogoronaka. De ngomi abe wiwinii-niiki miamakeokau ai medebini ma dararono. De ka Ma Jou o Babaino dika wamake ai medebini ma dararono gea. Una Ma Jou ai Ngofaka womatengoka ho duru ai hiningaka iwiomangoka o dora ma ngango de mata-mata wodiai gea inahimatoko Ma Jou ai hininga ma gou-goungu.

Yohanese 3:16

Mangale Ma Jou duru wadora o nyawa o duniaka naa, ho wihidoaka ai Ngofaka ngaro ka womatengo dika, la onagona dika iwingaku ko yobinaahaua de gea yamake o wowango ma hungi ka hiado-adonika.

Yohanese 5:20

Angamoi ahi Baba duru wohidora Ngohino ho wohihimatokoka to Una ai karajaanga mata-mata ingodumu Ngohino. Masara utuohi ilamoko wohihikarajaanga Ngohi naa hiadono ngini ahao niamake gea todiai de ko idadiokaua nitemo angamoi ka niherangaholi.

Ibarani 1:5

De gea hohioriki duru itaana, angamoi abeika, duru ko ma iwa abe Ma Jou wihiromanga ai malaekatika wato, “Ahi ngofaka.” O malaekata moioo de ko iwa abe hokogea wahiromanga. Masara abeika Ma Jou ai demo ma dodihiraino abe ai Ngofakika, abe Una wato, “Ngohi o wange naa de tomahitaanoka abe Ngona nodadioka ahi Ngofaka, De abe Ngohi tagou-goungu to Ngona ani Baba.” De naga moioli abe ma dodihiraino de ihitulihukuoka to Una ai Demo-demoka abe ma titi ai Ngofaka wato, “Ngohi ahao todadi to Una ai Baba, ho Una gea ahao to Ngohi ahi Ngofaka.” Masara duru ko ma moiuahi Ma Jou wotemo hokogea ma titi ai momalaekatika.

1 Yohanese 4:9

De ma dihiraino de Ma Jou wonahimatokoka ngoneino abe hokokia ma amoko to Una ai dora ngoneuku de gea abe ma oraha to Una ai Ngofaka ka womatengo dika wihidingoto o duniauku naa. De gea ma titi Ma Jou ai doraino dika hiadono wihidingoto ai Ngofaka ngoneuku la ngone ka idadi o wowango ma ngango hamake ma titi Unangino.