Sosawaro 8:23 - Ma Jou ai Demo-demo o Totobelohoka

²³ Duru ma dodihirainohi de ngohi naga Ma Jouoka. Ho ngaro o dunia ko iwahi masara ngohi o sosawaro nagau Unangoka.

Sosawaro 8:23 ပူးပေါင်းရင်းမြစ်များ

Dodadi 1:26

De Ma Jou wotemoli o wange ma butaanga gea wato, “Naa, Ngone hodiai o nyawa, de hahidadi la ona ngade-ngade hoka Ngoneoli. De ona ahao de manga kuahaka hiadono ka idadi yapareta o dunia ma aewani mata-mataika. Ho ngaro o nawoko mata-mata de o kia dika de ma womahoka o akeroka de o gahioka ma ka idadi yapareta. De o dunia ma amokika o totaleo de o aewani mata-mataika o nyawa manga kuahaka, ho ngaro o dofo eko o fuhuku, de ngaro ma ago-agomo eko ma hohumuduru, masara, mata-mataika o nyawa manga kuahaka.”

Higiriiri 2:6

De Ma Jou o Yawe wahingahu-ngahu wato, “Naga womatengo o koano, Una ma koano abe tomahitongohioka, de Una naga o Yerusaleemoka, Ngohi tihigogere ahi loku ma debi-debinoka gea.” Hokogea Ma Jou womaputuhu de wahingahuoka.

Sosawaro 4:7

De nia ete gea duru wohihigali-gali wohihingahu ngohino, wato, “Ahi ngofaka abe duru noperelu ani wowangoka gea o sosawaro ma gou-goungu ho kiani ka ihikaika noigo la nomahidogo ani sosawaro ma gou-goungu ka hiadono ani wowango ma bobahaika. De ngaro o kiali naga abe irahai nodiai masara iti ngona nomahioriki nomaputuhu itaana.

Mika 5:1

Ma Jou wotemo hoka o Beteleheeme ma kotaika wato, “Ngona, o Beteleheeme Efaraata ma kota, Ngaro o Yehuda ai tonaka ma kota mata-mataika, Ma ka ngonahi duru noeteke. Masara Ngohi ahao tonihikurutiye, Angamoi naga o koano tile ani goronaino, Una gea tigoraka la ahi nyawa wahipareta. Gea Una wahikoano o Isiraele ma nyawa, Abe ka ma dodihirainohi de Una nagau.”

Yohanese 1:1

Ka ma dodihirainohi o dunia ko idadiuahi de Una iwihiromanga o Demo, Una gea nagau. De Una o Demo naga Ma Jouoka abe Una de Ma Jou o Baba ona hoimoi ho duru yomatoteroino.

Yohanese 17:24

“O Baba, ona gea nohihidoakoka Ngohino duru toigo la ngaro o kiaka dika Ngohi naga ma onangoo naga genangoka. De Ngohi duru toigo la ona ahao ihimake Ngohi de ahi medebini de ma dararonoka. Abe o dunia ko idadiuahi de duru nohidoraka hiadono nohihidoaka Ngohino ani medebini de ma daronoka gea.”

Yohanese 17:5

Ma dihira Ngona de Ngohi homahidogogerohi abe ngaro o dunia ko idadiuahi ma, ahi medebini ma dararono gea nagau. Ho naa Baba togahoko la nohigilio Ngohino ahi medebini ma dararono abe imaketero hoka ma dihirali.”