Sosawaro 8:22 - Ma Jou ai Demo-demo o Totobelohoka

²² De naa o Saloomo ai hingahu abe una wohioriki o sosawaro duru ihititi Ma Jouoka. De wapakeoli hoka Ma Jou o Yawe ai sosawaro de ma ilingoka abe imahingahu ngoneino, ato, “De ngohi naa o sosawaro ma gou-goungu abe ka ma dodihirainohi de ngohi nagau Ma Jou o Yaweoka. Abe ngohi de ai dulaada ka ngohiohi tohira ho ngohi nagau Unangoka ma oraha mata-mataika wotulaada.

Sosawaro 8:22 ပူးပေါင်းရင်းမြစ်များ

Higiriiri 104:24

Ma Jou o Yawe duru nomihiheranga de ani dulaada mata-mataika, Abeika to Ngona ani sosawaro abe nomihimatoko ani dulaadaino. Abe o dunia naa duru aomanga de o aewani irupa-rupa abe Ngona notulaada,

Sosawaro 3:19

Ma Jou o Yawe ai sosawaroka de aino wohititi o dunia abe wotulaada. De gea to Una ai sosawaroino womangaratii hokokia wohigogere o dunia ma hoana de ena mata-mataika abe naga ma dihangoka.

Kolose 1:17

De o dulaada mata-mataika gea ko wotulaadauahi de Una nagau. De duru Una gea abe o dulaada mata-mataika wohiaturu de ka ihikaika wasoino la ufa hiadono imahikabarihi. Abe nako ko o Kristusua, ma dulaada gea ahao imahikabarihi. Ho nako o Kristusu de o dulaada mata-mataika, masara ka Unangohi duru wokurutiye.

Himatoko 3:14

De ahao Una gea wohihulokoli wato, “Naa ngona nohitulihuku ahi demo naa abe o Laodikia ma gareja manga malaekatikali, la unangoli ka idadi wadofanga ahi demo abe o gareja ma nyawaika. Notulihi nato, ‘Naa to Ngohi ahi demo nginika. Ngohi naa abe ihihiromanga o Amin, angamoi ahi demo mata-mata ma gou-goungu dika, de nako hiadono totemoka, gea ahi demo hokogenangoo. De Ngohi tatobagou-goungu tahingahu o nyawaika Ma Jou ai hingahu ma demo, angamoi to Ngohi ahi demo mata-mata ka ma gou-goungu dika. De Ngohi naa Ma Jou ai dulaada ma titi de ma koano gea Ngohioka.’” Hokogea Una womahingahu.