Sosawaro 7:8 - Ma Jou ai Demo-demo o Totobelohoka

⁸ De ma goduuru gea o ngekomo ma marihapongino woboa de waniiki ma ngekomo abe o ngofeka momatengo ami tau naga genangoka. Naa muna gea abe ami biaha motobalingiri o nauru.

Sosawaro 7:8 ပူးပေါင်းရင်းမြစ်များ

Sosawaro 5:8

Ho ka de o ngofeka manga demo nginika hokogea de niloaroka! Ngaro to muna ami tau ma ngoranika nomahitigi ma, ufa! Kiani duru nomidokaowara o ngofeka hokogea.

Sosawaro 7:12

Hokogea to muna ami wowango ma datoro imakiniiki o ngo-ngofeka manga datoro abe manga biaha manga badanga yomafuku-fukunu ho ka ihikaika ka idadi ona gea hamake o ngekomoka eko o bubukunu ma ngioka.

Sosawaro 7:27

Ho gea tohiromanga to muna ami tau ma ngorana idadi o ngekomo o lungunika de ami koi gea o hone-honenge ma ngi! Hokogea o Saloomo wahitiari ai ngofa-ngofaka de ai demo de ma buturungoka la ufa yahowono o ngofekaika.

1 Korintusu 6:18

Ho naa ngohi tinihitiari hokonaa. Ufa ko nimakitigi abe ko itiaiua! Ma kiani nia badangoka o howono gea kiani nianoaka! De o demo moioli naga yotemo-temo nginioka ato, “O howono o kia dika ngone hodiai, de gea ko inataulinoua nanga badangino de ma howono gea ko iwa ma hofoko nanga badangoka.” Marai hokogea yotemo-temo, masara gea manga demo ko itaanua. Angamoi abe ona yomakitigi ko itiaiua, ona gea yahowonoka duru to ona ma hirete manga badangoka, de gea manga howono ma hofoko naga abe yahikatingaka ona Ma Jouino.

2 Timotiusu 2:22

De gea ma titi ho hiadono tonihitiari ngonaika tato kiani nomatongohono ma dorouino. Abe ma dorou gea o nyawa utu abe ka o goohi ona gea yotobahafini genangika. Masara ngona kiani natobaniiki ma totiaiika, de kiani natobangaku ma gou-goungika, de kiani nidora Ma Jouika de o nyawa utuikaoo nadora, de kiani ani gogianongoru nao irahai la ani hininga naga de ma riidi. De abe ani gogianongoru genangoka, onagona dika abe manga hininga hatoli ikurangohi itebini ai himangoka, ufa nimaketedodiawo ngona de ona. Masara nako onagona dika abe onangoo manga hininga la iwileleani Ma Jouika de manga hininga ma debi-debini, ona de ngona gea ka idadi nimaketedodiawo niwileleani Unangika.

Yudasa 1:23

De nako o nyawa utu abe manga hohowono o ukuika ngade-ngade yadaenoka, ona gea kiani ngini nimataiti niaduhunu la ufa yogila-gila o ukuika. De abe nagahi o nyawa utuoli abe manga wowango ma datoro duru itorouholi, de gea onangoo ma ka idadi niaduhunu de nia hininga de ma doraka, ma kiani nginioo nimahitiari done o nyawa inihiata-atara de nginioo niruba o howonuku. Angamoi to ona manga howono gea kiani ngini niodohata enangika done imahora nginikali.

Hihira 16:1

De ma moiuku ma oraha o Simsono wahihira o Isiraele ma nyawa, una woiki dai o Gasa ma kotaoko abe o Filistina ma nyawa manga kota. De wowohama o Gasa ma goronaika gea de womimake momatengo abe momatobafuku-fukunu ami badanga de womaputuhu o futu gea womaidu munangoka.