Sosawaro 7:7 - Ma Jou ai Demo-demo o Totobelohoka

⁷ De timake womatengo o goduuru abe ai hininga ko ibaluhuahi de ai tobahiorikoo ma, ko iwahi abe hoka ngone hoperelu la nanga wowango hao itiai.

Sosawaro 7:7 ပူးပေါင်းရင်းမြစ်များ

Higiriiri 19:7

Ma Jou ai Pareta gea mata-mata duru ka itotiai dika, de ka idadi nanga jiwa inahiwangoroli. To Una ai hiaturu gea duru igou-goungu hiadono ka idadi hongaku enangika, abe ngaro o nyawa biaha dika ma ka idadi inahisawaro.

Sosawaro 1:22

“Ei, ngini initotopongonoka ma totiaiika! De abeika nginioo abe duru nitobahohedu, hokokia ma dekanohi niatobahohedu o nyawaika la nia sosanangi niamake o hohedu ma demoino dika? Ho muruonoka de nitoba nia hohedu ma demoino gea? De hokokia ma dekanohi nia hininga ma lawana itagi o tobahiorikika ho hiadono ngohi o ngo Sosawaro ahi dodotoko niaoluku? Marai ngini duru ka niosanangi dika nigogere nia bodo ma goronaka e?

Sosawaro 1:32

Hokogea o bodo ma nyawa manga bobaha o duniaka angamoi duru yaniiki abe ko ma totiaiikaua de ona gea hoka yodogiookika manga dorou ma goronaka ho manga giooko gea ena abe yatoma.

Sosawaro 1:4

Abe o Saloomo ai hiowa ma demo nenanga ma titi inahiakunu ngone o nyawa la ngaro ona abe ko yososawaroua ma ka idadi yososawaro abe to una ai hiowa ma demoino yamake o sosawaro ma tobahioriki. De ngaro o goo-goduuru de o momoholehe ma nako yaniiki o Saloomo ai hiowa ma demo nenanga ka idadi yomafikiri la ka hiadono yobaluhu manga hiningaka.

Sosawaro 10:13

Ona abe manga tobahioriki ma gou-goungika yapake hiadono yomangiriki itiai, ona gea manga uruino yotemo o sosawaro ma demo. Masara ona abe yobodo, ona gea ihidemo de o bodo ma demo ho yoperelu o dodotoko o bobohaino la yotoba manga uruino ma bodo.

Sosawaro 12:11

Onagona dika yotobakarajaanga manga dumuleoka ahao manga inomo duru yawedonoka, masara ona abe ka ihikaika yaniiki manga hininga ma homoa, ona gea ko iwa manga sosawaro.

Sosawaro 14:15

O nyawa abe yotangakuholi ngaro ma demo o kia dika masara ka idadi yongaku enangika. Masara ona yosoo-sosawaro duru yatailako manga hininga ma dodagi la ka idadi ihioriki manga dumutu o kiaika.

Sosawaro 19:2

Ngone o nyawa nako naga de nanga magaweoka masara ko hafikirikauahi nanga dumutika, gea duru homahikangela dika. Abe nako homataitiholi hoaguru, gea marai nanga ngiriki ko itaanua.

Sosawaro 24:30

Ngohi o wange moiuku naga totagi-tagi de tatilakuru o angguru ma redi moi, de gea ma redi ma dutu una wotobatebeturu de ai sosawaro ko iwa.

Sosawaro 5:1

Ahi ngofa-ngofaka, kiani ngini duru nitotoihene ahi hiowa ma demo nginika naa. Nimadoihene o hitararono ma hingahu abe ahi sosawaroino nenanga.

Sosawaro 6:20

Ahi ngofaka tohigalioli tonihingahu kiani nohihingounu ngohi ani baba ahi behehongo ngonaika de ufa noporetika ani dodotoko abe namake ngoni memeino.

Sosawaro 6:32

Masara nako naga womatengo abe wahowono de o ngofeka abe muna o nyawa utu ngoi fekata de hahidotelega una abe wotohi-tohiki, de gea ka unangohi duru wobodo abe wahowono o nyawa ngoi fekatika. De hokogea angamoi una womahibinaaha to una ma hirete ai nyawa.

Sosawaro 8:5

Ho ngini abe ko nisosawarouahi ka idadi nihihigunoa la ngohino o sosawaro ma demo nimahitingini la hiadono idadi ti nginioo nia sosawaro. De ngini abe ko kia-kiauahi nihioriki ka idadi tiniduhunu la nimangaratii ma tobahioriki ngohino.

Sosawaro 9:16

De o ngo Bodo gea ka de mimake de miahoko mato, “Ei ngona ka idadi nohidulu ngohino! Abeika nowohamino angamoi ngaro onagona dika abe manga tobahioriki ka ikurangohi, ona gea ka idadi ngohino dika ihidulu-dulu!

Sosawaro 9:4

De hokonaa o ngo Sosawaro ami demo, mato, “Ngaro ngini mata-mata abe nia tobahioriki ka ikurangohi, ngohi tiniahoko la niboa nihidulu ngohioka. De ngini tiniahoko abe ko nihiorikuahi nimaputuhu itiai de ngaro nihidotelega ma owa de ma dorou ma, enangoo nikangela nihikohowono.

Matiusu 15:16

De o Yesusu wipaluhu unangika wato, “Mode nginioo ko nihiorikua abe ahi demo gea ma titi?