Sosawaro 7:26 - Ma Jou ai Demo-demo o Totobelohoka

²⁶ Ona ma ngofeka gea duru ko manga ngoeoka yahikala o nau-naurika. Ngone ko idadiua haetongo manga ngoe abe o nau-nauru yahitomaka manga wowango.

Sosawaro 7:26 ပူးပေါင်းရင်းမြစ်များ

2 Samuele 3:27

Ho ka de yomahiadono de o Yoaba wihidohikika o Abanera ma kapongo ma ngorana ma datekika, abe bari ai hininga la wihingahu o demo moi unangika. Masara genangoka ka itodokanino de witopoko o Abanera ai pokoroko hiadono wihohonenge. De hokogea o Yoaba wihibalaha ai dodoto o Asaele abe ma dihiraino de o Abanera wihohonengoka.

Sosawaro 2:18

De nako to muna ami tauika nowohama gea imakadaene de noaguru ani honenge ma ngiika.

Sosawaro 6:33

Abe ma hasili wamake ai howonino gea o nabo ai badangoka de ai maleke o nyawa manga himangoka. De ai maleke gea ko iwa ma bobaha abe ko idadiua ihihanga angamoi o nyawa ko idadiua yawohanga.

Sosawaro 7:27

Ho gea tohiromanga to muna ami tau ma ngorana idadi o ngekomo o lungunika de ami koi gea o hone-honenge ma ngi! Hokogea o Saloomo wahitiari ai ngofa-ngofaka de ai demo de ma buturungoka la ufa yahowono o ngofekaika.

Sosawaro 9:18

Masara muna mabudi dika o nau-naurika gea, angamoi ona ko ihiorikuahi abe ona yohira-hira yowohama munangika ona nagau manga lungunoka.

1 Korintusu 10:8

De ufa ngone nanga badanga homakitigi abe ko itiaiua hoka onangoli yodiai. Abe ma dihira ma oraha ona yodiai hokogea de naga yasana monaoko de hange ka ma wange gea dika de yokokihonengoka.

2 Korintusu 12:21

De gea ngohi tohawana abe ahao Ma Jou wohihitipokouku ma moioli ma titi ngini nia wowango ma datoro genangoka. De nako idadi hokogea, to ngohi ahi hininga ahao duru ihuha ma titi ngini utu genangoka abe ma dihirainohi de niahowo-howono masara ko nitobauahi de ko niliouahi abe Ma Jouika. Abe ngini utu ka nianiikohi nia datoro ma dorou abe hoka nimahitorou, de nimakitigi ko itiaiua de utuika, de nia gimono ma dorou duru inihipareta nginika. Ho ngohi tonganono ahao ma oraha tomahiadono nginika de nia datoro mata-mata gea niakokinoaka la to ngone nanga hininga mata-mata iborisanangi de ngaro ufa ihuha.

1 Peturusu 2:11

Ahi gogianongoru abe duru tinidora nginika, ngini tanu nimaketero hoka o homoa ma nyawa de gea ngini o dionikino ma nyawa o duniaka naa angamoi nia gogere ma gou-goungu gea nagau o Horogaka. Ho gea ngohi tinihigaro nginika la ka ihikaika nimatongohono de ufa nianiiki nia badanga ma horoodo ma dorouika. Abe nia horoodo gea imakalawana de ti ngini nia hininga abe Ma Jouoka de aino iboa.

Hihira 16:21

Ho ona o Filistina ma nyawa o Simsono iwitaoko de ahao ai lako hinootoo yakawali ho yahuputoka ai lako ma gomono hinootoo ho worafioka. De ona ahao iwiao manga kota o Gasaika de genangoka iwipapakiti de o papakiti yodiai o tabaagaino abe ihisapuroka de o hori ho duru iputurungu ai papakiti. Hokogea yodiai la duru iwihikangela de ahao iwihikarajaanga o bui ma tauoka. De o Simsono ai karajaanga kiani o gandumu ma ngengedere waloliti ho una wodadi hoka o hapi abe ko imatogu-togumua itagi la ka ihikaika o hakaru kohaamoko yaloliti de o gandumu gea yawedere hiadono idadi o tarigu. Ho duru imaketero hoka o hapi gea o Simsonoli wodadioka wotobaloliti o ngengedere ma hakaru.