Sosawaro 7:24 - Ma Jou ai Demo-demo o Totobelohoka

²⁴ Ho ahi ngofa-ngofaka, ngini nihihigihene nia baba, kiani nitotoihene ahi demo naa!

Sosawaro 7:24 ပူးပေါင်းရင်းမြစ်များ

Higiriiri 34:12

Sarakia naga nginioka abe duru nioigo la nia wowango ikurutu? Igoungu, nioigo la nia wowango ikurutu abe o duniaka nigogere e? De nisanangi nako ka ihikaika niamake ma owa nia wowangoka e?

Sosawaro 4:1

Ahi ngofa-ngofaka nihihigihene ngohino. Nia baba ai dodotoko nginika naa kiani nitotoihene la ka idadi niataoko itiai la utuohi nisosawaro nia tobahiorikino.

Sosawaro 5:7

Ho gea ahi ngofa-ngofaka nia baba ahi demo nenanga duru togahoko la ngini nihidodiai nihigihene ahi demoino naa. De ufa niodokaowara ahi demoika la ka de niamake abe ka idadi inihibodito de ahi demo naa naga nia hiningaka de inihitiari.

Galatia 4:19

De ahi ngofa-ngofaka abe duru tinidora, ngohi ahi hiningaka duru itubuho de ihuha ma titi ngini genangoka! De naangoli tomamao abe imaketero hoka o ngofeka momatengo itigioka momagerewoto ho ami kangela imulaengoka. Abe ma dihiraino de ngohi ma kangela tomamao angamoi ngini ko nimaboauahi o Kristusino. Ho naa ma moioli tomamao tokangela abe ma titi nia ngongaku ko ibaluhuahi o Kristusika. De ahi hininga ma kangela naa igila-gila hiadono ngini nimaaduru abe hoka o Kristusoli ai hininga la gea nimaketehiningamoi de Una.

1 Yohanese 2:1

Ahi ngofa-ngofaka o ngongakuoka, ahi hurata ma demo naa tohitulihuku de tohidingoto nginika la tato ibootohi ngini niahowono. Masara nako hiadono idadi abe niahowono, ufa niawohanga abe naga womatengo ka idadi winiduhunu de winihidemo Ma Jou o Baba ai himangoka. De Una gea o Yesusu Kristusu abe duru wotobatotiai, ho Una ka wakunu wonahidemo o Babaika nako idadi abe hahowonoka.