Sosawaro 7:13 - Ma Jou ai Demo-demo o Totobelohoka

¹³ Ho ka de muna naa mibuhuku ma goduuruika de mikooino de mibounu unangika de ami himangoka ko iwa ami hawana abe ahao o nyawa utuino imimake modiai hokogea.

Sosawaro 7:13 ပူးပေါင်းရင်းမြစ်များ

Dodadi 39:12

De muna moboa unangino de maino de ka itodokanino ai bajuika matauru de ami sanangi ma demo mato, “Naa ngona nadonoka ahi koiino!” Masara duru o Yusupu womipari-parihi la woara masara duru ai bajuika malegono de ma kee-keketika ho hiadono ka de woara de ai baju ihuputoka. Ho ai baju ka wodogunoaika ami giamoka de una woaroka ma tauino de wohupuoka.

Dodadi 39:7

De ma oraha gea mata-mataika wohiaturu de o Potifara ngoi fekata duru mihafini unangika de mihigaro mato, “Ngona de ngohi naino la homaidu.” Hokogea mihafini o Yusupika ho mihigaro.

Sosawaro 9:15

De muna ka de o nauru woboa o ngekomino abe ami tau ma himangoka de miahoko unangika ngaro woiki ai karajaanga moiika de ai dumutu ko munangikaua.

Yesaya 50:7

De mangale ma titi Ma Jou o Yawe wohiduhunu ho ngohi ko tamaoua o himaleke. Ho ngohi ahi hiningaka de duru tomaputuhoka tato to Una ai mau dika tatobanii-niiki. De gea duru tohioriki de tonganono abe ko ihimalekua genangino.

Gegetongo 25:1

Abe ma oraha o Isiraele ma nyawa yomanoa o Sitimi ma dolaka, naga o Moaba ma nyawa abe yogogere ma tonakoka gea. De ipahaino de naga utu o Isiraele manga nau-nauru yomahipeseke de o Moaba ma ngo-ngofeka abe ma titi yomaidu de ona.

Himatoko 2:20

“Masara naga moi ahi dodaere nginika, de gea ma titi abe ngini ka nimihigunoa la ma ngofeka gea o ngo Isebele madotoko de mahirehene ahi gogilaongo utu nginioka. De muna gea momahiromanga mato bari to Ngohi ahi uru ma dodofanga, masara genangino minielu-eluku nginika. De muna gea mahigaro ahi gogilaongo genangoka la mato o pangaoika yaniiki, abe gea ma titi mahigaro la yodiai o howono manga badangoka de nagali mahigaro la yaolomo o inomo abe ihihubaka o pangaoika.