Sosawaro 6:6 - Ma Jou ai Demo-demo o Totobelohoka

⁶ De ahi ngofaka tonimake ngona hoka ko iwa ani magawe o karajaangika ho kiani ngona duru nomadotoko hoka o iuroli nomaaduru la ufa nodadi ngona o debeturu ma nyawa. Ho o hiowa ma sosawaro kiani nomalingiri ma oraha nomadotoko o iuru ma magaweino.

Sosawaro 6:6 ပူးပေါင်းရင်းမြစ်များ

Sosawaro 1:17

Masara ka de hokogea manga hininga de itigioka to onangoo manga bodito. Ho nako ona yoigo yomahitiari la ufa yobodito, gea kiani yomadotoko o totaleo ma sosawaroino. Abe ka de o totaleo amao o bodito itigioka enangika de imatingaka ho ihohoka ma gurutika ho ko adaenua ma bodito gea.

Sosawaro 10:26

Nako naga womatengo abe hihikarajaanga masara una ka ihikaika wokapaanga ma karajaangika de gea duru ka ihikaika ngone ai dutu wonahihuha ai debeturika. Abe to una ai debeturu gea inahihuha imaketero hoka o suka-suka inakiofiki nanga ingirika. De imaketero hoka o uku ma nofo nanga lako yaolete, hokogea ai debeturu ka ihikaika wonahihuha.

Sosawaro 10:4

Onagona dika abe duru yatebeturu o karajaangika ahao yodadi duru o huha ma nyawa. Masara abe o nyawa duru yomagawe o karajaangika ona ahao yokaya.

Sosawaro 6:9

Masara abeika ngona ahi ngofaka, ngona duru o nauru ma dorou abe ko nokarajaangua. Hokokia ma dekanohi nomahisosanangi ani giooko ma goronaka? Ahao hokokia ma dekanohi de ahao nowangoro ani ngiduino? Ahi leleha ngonaika naa angamoi ngohi ani baba duru toigo la tonihimagawe!

Matiusu 25:26

“De ai dutu woihene ai demoika gea de duru ko wisanangiua ho wipaluhu wato, ‘Duru ani datoro gea itorou! De boteua ani magawe ko iwa to ngohi ahi karajaangika! Ho ngona naa nohitaere ngohino nato tatobaribuutu o nyawaika, e? De ngona nato bote o nyawa manga gugutuku ma hasili de tomahitongohioka dika, de abe ko tokarajaangua gea taribuutu la o nyawa ihihidoaka to ona manga hasilino gea. Ho naa done sarakia hiadono noelu-eluku?

Matiusu 6:26

“De gea tanu ngini nimaketero dika abe hoka o totaleo daku ma hoanino. Abe ma totaleo gea ngaro ufa dika ma inomo imadatomo de ngaro ufa yodamaa hiadono o gugutuku ma oraha. De gea ena ngaro ufa imadoomu ma inomo abe to ena ma ngioka la ahao naga to ena ma inomo. Angamoi ti ngini nia Baba o Horogaka Una gea ahao wohidailako to ena ma inomo ma totaleoika. De nako ngini naa de ma totaleo, gea duru ka nginiohi nikurutiye Ma Jou ai himangoka. Ho mangale ma titi Una wohidailako enangika to ena ma inomo, ho hongoli ngini ka idadi nihioriki abe ti nginioo nia inomo ahao winihidailako nginika.”

Roma 12:11

De ufa niodebeturu nia tagongika masara ngini kiani duru niodomagawe enangika la gea niwileleani nanga Baluhika de nia hininga ma gahumu, abe nia magawe gea inihidafae nia hiningaka abe imaketero hoka o uku ma dokaroli ihiru-hiruiye.

Ibarani 6:12

Ho ngohi toigo la ufa initebeturu masara koaho inimagawe, de gea ngohi toigo la nimaaduru abe hoka onangoli yamakeoka ma utumu Ma Jouino, abe manga utumu gea imaketero hoka ma dihiraino wahibehehongoka onangika. De ona gea yamake ma utumu Unangino ma titi manga ngongaku de manga dongohono abe Unangika.