Sosawaro 6:34 - Ma Jou ai Demo-demo o Totobelohoka

³⁴ De o ngofeka gea ami rokata ahao duru iwilufungoka de ai goomu ho widohataholi unangika gea abe wahowonoka ngoi fekatika. Ho una womahibalaha unangika de ma oraha gea duru ko idadiua wakuranga ai hohowonika angamoi ko iwaka ai dora ma hiokoo wahowo-howonika gea.

Sosawaro 6:34 ပူးပေါင်းရင်းမြစ်များ

Dodadi 39:19

De gea ngoi fekata ami ade-ade woihene ibooto abe muna mato, “Hokonaa de hokonaa ani gilaongo gea wodiai ngohino.” De o Potifara duru wongamo.

2 Samuele 11:5

De muna modami ho ahao ami hingahu mohidingoto o Dautika, mato, “Ngohi naa naga de ahi badangoka.”

Sosawaro 6:33

Abe ma hasili wamake ai howonino gea o nabo ai badangoka de ai maleke o nyawa manga himangoka. De ai maleke gea ko iwa ma bobaha abe ko idadiua ihihanga angamoi o nyawa ko idadiua yawohanga.

Sosawaro 6:35

De ko iwa o hohowono ma bobangu eko ma balaha abe ka idadi una wahowo-howono wihidoaka ami rokatika la hiadono wilaru. Hokogea o Saloomo ai hiketero ma ade-ade wapake la idadi o ngofa-ngofaka manga hitiari.

Gegetongo 25:11

“Mangale ma titi o Pinehasa ai datoro gea ho ahi ngamo o Isiraele ma nyawaika ihitogumoka. Abe una gea ai hininga ma hauku to ona manga howonika hatoli imaketero hoka to Ngohioli ahi hininga ma hauku. Ho genangino de ahi hidee ko idadiuali, abe ma dihiraino de tahidee la duru ko manga ngoe tadotoko de o hibinaaha ma titi ahi hininga ma hauku gea.

1 Korintusu 10:22

Angamoi nako hokogea haniiki, gea imaketero hoka ngone bote hato ka idadi homahiketehigogao ngone de o pangao de hato gea bote Una ko wonahohowonua. Eko ngone hato nako ngone de Ma Jou, ka ngoneohi hoputurungu. Duru hokogea ko itiaiua, angamoi ka Unangohi woputurungu de kiani wonahohowono nako nanga datoro hokogea hodiai.