Sosawaro 6:32 - Ma Jou ai Demo-demo o Totobelohoka

³² Masara nako naga womatengo abe wahowono de o ngofeka abe muna o nyawa utu ngoi fekata de hahidotelega una abe wotohi-tohiki, de gea ka unangohi duru wobodo abe wahowono o nyawa ngoi fekatika. De hokogea angamoi una womahibinaaha to una ma hirete ai nyawa.

Sosawaro 6:32 ပူးပေါင်းရင်းမြစ်များ

Dodadi 41:39

De ahao o Firaunu womadogiliorika o Yusupika de wihingahu wato, “Angamoi Ma Jou wonihingahu ka ngonaika dika mata-mata gea abe ahao idadi, ho nako ngona de o nyawa utu ka ngonahi nososawaro de nohidotelega itiai o Mesiiri ma tonakoka naa.

Huhupu 20:14

“Ngini ko idadiua nimakitigi de o nyawa ngaro onagona dika nako ko nia fekatua eko ko nia rokatua.”

Sosawaro 10:13

Ona abe manga tobahioriki ma gou-goungika yapake hiadono yomangiriki itiai, ona gea manga uruino yotemo o sosawaro ma demo. Masara ona abe yobodo, ona gea ihidemo de o bodo ma demo ho yoperelu o dodotoko o bobohaino la yotoba manga uruino ma bodo.

Sosawaro 10:21

Ona abe yaniiki ma totiai gea o nyawa manga ngoeika yahitofo de manga demo ma totiaiino. Masara o bodo ma nyawa ona ma hirete manga wowango yomatoma angamoi ko yomahitoonangua o sosawaro ma gou-goungu ma demo ho ona yomangiriki ko itaanua de yomaputuhu ko itiaiua.

Sosawaro 12:11

Onagona dika yotobakarajaanga manga dumuleoka ahao manga inomo duru yawedonoka, masara ona abe ka ihikaika yaniiki manga hininga ma homoa, ona gea ko iwa manga sosawaro.

Sosawaro 2:2

Irahai nako ngona nomaribuutu la nomadoihene ahi demoika la ma titi nataoko itiai. Angamoi ahi demoino gea ngona namake o sosawaro ma gou-goungu iti ka ihikaika nomahihohininga ahi demoika la ma titi nomangaratii utuohi itararono.

Sosawaro 24:30

Ngohi o wange moiuku naga totagi-tagi de tatilakuru o angguru ma redi moi, de gea ma redi ma dutu una wotobatebeturu de ai sosawaro ko iwa.

Sosawaro 6:33

Abe ma hasili wamake ai howonino gea o nabo ai badangoka de ai maleke o nyawa manga himangoka. De ai maleke gea ko iwa ma bobaha abe ko idadiua ihihanga angamoi o nyawa ko idadiua yawohanga.

Sosawaro 7:7

De timake womatengo o goduuru abe ai hininga ko ibaluhuahi de ai tobahiorikoo ma, ko iwahi abe hoka ngone hoperelu la nanga wowango hao itiai.

Sosawaro 8:36

Masara ona abe ko ihimakeua ngohi, o wowango ma sosawaro, ona gea ka ihikaika yomahikangela dika. De ona mata-mataika abe ihidohata ngohino gea imaketero hoka yodora o hone-honengika.” Hokogea Ma Jou wohiketero abe to Una ai sosawaro de to ena ma ilingoka la inahidumutu o wowango ikurutu ma ngekomika.

Sosawaro 9:4

De hokonaa o ngo Sosawaro ami demo, mato, “Ngaro ngini mata-mata abe nia tobahioriki ka ikurangohi, ngohi tiniahoko la niboa nihidulu ngohioka. De ngini tiniahoko abe ko nihiorikuahi nimaputuhu itiai de ngaro nihidotelega ma owa de ma dorou ma, enangoo nikangela nihikohowono.

Ibarani 13:4

De ngini mata-mataika kiani nimahitiari la ufa niaruwae o gogiabereki manga gogaoika. Angamoi onagona dika abe yomakitigi ko itiaiua, ona gea ahao kiani Ma Jou wahohowono onangika. De ngini onagona dika abe niilakoka, ngini kiani duru niogoana nia gogao abe ngini o giaberekioka de ufa nimakitigi de utuika.