Sosawaro 6:26 - Ma Jou ai Demo-demo o Totobelohoka

²⁶ Angamoi o ngofeka abe momatiwi-tiwi hokogea ka idadi monihihuha abe ika-ika ami hewa ka hiadono muna mamataka ani tiwi. De nako muna o nyawa ngoi fekata de nomaidu munangoka de ani wowango ahao to muna dika ami kuahaka hiadono o kia dika to muna ami demo ma ka naniiki.

Sosawaro 6:26 ပူးပေါင်းရင်းမြစ်များ

Dodadi 39:14

De muna momulaenge de ami boi ma dohata mohiboa-boaka hiadono manga duduhunu o nau-nauru manga ngoe yomapopaata yoboaino la ato imiduhunu. De muna hadongoo de imihowo-howo mato, “Abeika ai dorou una o huhuloko o Ibarani ma nyawaino gea! Ahi rokata una gea wiaoino de wonahimaleke. Una wohiribuutu ngohi la wato mimakitigi masara ngohi duru toluku ho hiadono topoa-poaka.

Dodadi 39:7

De ma oraha gea mata-mataika wohiaturu de o Potifara ngoi fekata duru mihafini unangika de mihigaro mato, “Ngona de ngohi naino la homaidu.” Hokogea mihafini o Yusupika ho mihigaro.

Sosawaro 5:10

Ho to ngona ani kaya ahao idadi o homoa ma nyawa to onangoli manga kaya. O nyawa utu yapake de yomahisosanangi de ani karajaanga ma hasili gea.

Sosawaro 5:9

De angamoi nako ngona o nauru nowohama to muna ami ngiika de ahao o nyawa manga horomati ngonaika ihihangoka. De utuohi ngona norugi abe ani kiahonanga abe ani kangela ma hasilino, ena gea ahao o nyawa utu yomahitoona. Abe ka de ma howono gea naniiki de irupa-rupa o nyawa ka idadi yodiai ngonaika.

Sosawaro 6:27

Ho naa tonileha, “Sarakia, ka idadi o nyawa wakelenga o uku ma ngaboho ma ngoe ai uguroka de ko iwiukua?

Sosawaro 7:23

Ka de o luadana gea alikoka de ko idadiokaua iloara ho yodamaa dika ma hihiipi abe ahao iboa duru ma fuoika ho ka yotengo. Eko una gea hihiketero de o totaleo abe itaiti o titigonuku yodangi de ko idadiua imaduhunu. Hokogea o goduuru gea unangoo womataiti o boditoika de ko wohiorikua abe ahao womahifangu de ai wowango.

Lukasa 15:30

Masara ipahaino de ahao ani ngofaka gea abe watobahowono ngonaika una wolioino, de gea nomadoma o hapi ma ngofaka abe duru ikutufuru de nihirame-rame ai boa! Gea duru ko itiaiua! Angamoi una gea ka waumoka dika to ngona ani kiahonanga mata-mataika la ka idadi wofangu o ngo-ngofekaika abe manga badanga yomafuku-fukunu.’”

1 Samuele 2:36

De naga ma oraha abe to ngona ani totoforauku ona yomaponuku to una ai himangoka abe tihidadi o hidemo ma gou-goungu. Ona ani totoforauku yomaponuku hokogea de ahao yomagahoko o tiwi de o inomo abe ka de manga huhaka de aino yotemo, ato, ‘Duru mimagahoko ngonaika mia hidemo Ma Jouika la nomihigunoa la ngomioo mikarajaanga miniduhunu o hidemo ma karajaanga ma goronaka. Hokogea mimagahoko la ngomioo ahao miamake o inomo ma hidoku ma hohutulu nia leleanino.’” Hokogea Ma Jou o Yawe ai hingahu o Elika abe una de ona ai tauoka ka imahikauku wahohowono ma titi una de ai ngofaka yahinooto manga horoodo o inomika hiadono ko yomalegaikakaua Ma Jouika.