Sosawaro 6:16 - Ma Jou ai Demo-demo o Totobelohoka

^16-19 Abe Ma Jou o Yawe duru wodohata gea o howono butaanga eko utuohi o howono tumidi tofetongo abe duru waemono enangika. 1) Gea ihira o nyawa manga datoro hokonaa: ona de manga lako yomalega o nyawaika de manga sade ma dohata. 2) De o howono ma hinooto, o nyawa manga uru itobaeluku dika. 3) De ma howono ma hange, o nyawa manga giama yapake la yatoma o nyawa ngaro manga howono duru ko iwa onangika. 4) De ma howono ma iata, o nyawa ka ihikaika itagi manga hiningaka manga hidee duru itorou. 5) De ma howono ma motoa, o nyawa de manga lou yomataiti o dorouika la yodiai abe duru ihowono. 6) De ma howono ma butaanga, o nyawa yadofa-dofanga de manga ngeluku la o nyawaika yahikangela. 7) De ma howono ma tumidi, o nyawa yoigo yodiai la o nyawa utuino yahikangamo.

Sosawaro 6:16 ပူးပေါင်းရင်းမြစ်များ

2 Kokoano 21:16

De Ngohi duru tingamo o Manaseika mangale ma titi una duru wahigaro o Yehuda ma nyawaika la ka ihikaika yahowono Ngohi Ma Jou o Yawe ahi himangoka. De hongoli ahi ngamo ifae unangika abe una duru o nyawa manga ngoe watoma ngaro ko yahowonua. De hokogea manga awunu wakopoa o Yerusaleeme ma kota ma dobikoka ka hiadono ihahuru ma dobikika.” Hokogea Ma Jou o Yawe ai hingahu abe ai uru ma dodofanga wadofanga o Yehuda ma nyawaika.

Higiriiri 11:5

Ho Ma Jou o Yawe watailako de wahitaana o totiai ma nyawa manga hininga, De ona yotobatualono onangoo watailako de wahitaana, De wadohata onangika mangale manga datoro ma dorou, Abe ka ihikaika o nyawa yahikangela de yatoma.

Sosawaro 3:32

Angamoi Ma Jou o Yawe duru wodohata manga dorouika abe yotobadiai itorou hokogea. Masara ona abe manga datorino iwihisanangi Ma Jouika, ona gea duru wadodiawo onangika.

Sosawaro 6:15

Masara ona abe yotobadiai itorou hokogea ahao itodokanino de o bodito o kangelaino yadaene onangika. Ho to ona manga wowango duru awede-wederuku ka hiadono ko idadiokaua yomahinganono yotogumu.

Sosawaro 8:13

O nyawa mata-mata abe manga horomati ma modongo itagi Ma Jou o Yaweika duru ona yodohata ma dorouika. De angamoi ngohi Ma Jouoka de aino ho ngohioo duru todohata o sadeika. Ho duru todohata o nyawa manga hininga ma sade yapake hiadono yomahigiriiri la yomagorakiye. De ngohi todohatoo o rusi-rusika, de o doanika abe ena mata-mata duru ko imanoaua to ngohi ahi sosawaro ma gou-goungoka.

Himatoko 21:27

De gea ko yahigunoaua ma dorou o kia dika la iwohama ma kota ma goronaika. De ngaro hoka naga womatengoani abe ai wowangoka ma datoro itorou eko abe yotobaeluku, ma unangoo ko iwihigunoaua la o kota ma goronaika wowohama. Masara ona abe manga roma-romanga naga ihitulihukuoka abe o Domba ma Ngofaka ai Wowango ma Buku ma dolauku, ona gea dika abe ka idadi yowohama ma kota ma goronaika.