Sosawaro 5:21 - Ma Jou ai Demo-demo o Totobelohoka

²¹ De kiani ngini o giarokata hokogea nia gogao angamoi Ma Jou o Yawe duru wolega-lega mata-mataika de wohioriki ngone o nyawa nanga hininga abe itagi mata-mata. De abe ngone o nyawa nanga biaha, gea Ma Jou duru wohidotelega de o totiai ma datoro, abe Una duru wonganono la ena gea haniiki.

Sosawaro 5:21 ပူးပေါင်းရင်းမြစ်များ

Higiriiri 11:4

Ho naa ngohi tinihihohininga nginika, Abeika, Ma Jou o Yawe naga ai ngi ma debi-debinoka! Una Ma Jou abe ai gogogere daku o Horogaka. Una womalega ngoneuku de ko iwa moi abe ko wamakeua, O nyawa mata-mataika ka ihikaika wonatailako de wonahioriki.

Sosawaro 15:3

Ma Jou o Yawe ai lako idamaana o kiaika dika, ho ngaro o dorou ma nyawa de ngaro ona yotobadiai ma rorahai, masara Una ka ihikaika wonalegauku ngone mata-matauku.

Sosawaro 4:26

De nihidodiai nia lou la gea nianiiki dika o totiai ma ngekomo, de genangika dika niboa, la ka ihikaika nimangiriki itiai la ko niboditoua.

Sosawaro 5:6

Masara muna gea ko mopusingua o totiai ma ngekomika abe genangino kiani hoboa la hamake o wowango ma gou-goungu. De ngaro ami wowango ma biaha aika aino de ko iwa ma riidi o howono ma ngekomika masara hoka ko mohiorikua mafikiri ma totiai ma ngekomika.

Hosea 7:2

De ngaro manga wowango hokogea masara ona ko ihiorikua abe Ngohi talega-lega onangika. Abe Ngohi tomalega manga wowangoika de tamake abe hoka manga howo-howono yahikorobiti manga badangino. De Ngohi ka ihikaika tamake abe yahowo-howono gea.”

Ibarani 4:13

De gea moioo de ko iwa abe to Una ai dulaadoka de ka akunu imagogono la ufa wamake. Masara gea duru mata-mataika imatawangeika dika la Ma Jou ai lako ka yobawilika enangika. Ho Unangika ahao ngone kiani homoi-homoi homahitararono abe ma titi nanga hininga ma datoro mata-mataika. Ho igoungu kiani ngone hohidodiai hanii-niiki ai hingahu ma demoika abe Unangoka de aino iboa.

Himatoko 2:18

De ahao Una gea wohihulokoli wato, “Naa ngona nohitulihuku ahi demo naa abe o Tiatira ma gareja manga malaekatikali, la unangoli ka idadi wadofanga ahi demo abe o gareja ma nyawaika. Notulihi nato, ‘Naa to Ngohi ahi demo nginika. Ngohi naa Ma Jou ai Ngofaka, de to Ngohi ahi lako duru de ma dararonoka abe hoka o uku ma dokara ma dararono. De to Ngohi ahi lou duru iletongo abe hoka o tabaaga ma dutu abe hoka yaeheoka hiadono duru iletongo.’” Hokogea Una womahingahu.

Himatoko 2:23

De o ngo Isebele gea ami nyawa abe iminii-niiki, ona ahao tahibinaahaka de o hohonenge. De ahi hohowono gea ona yamakeoka de ahao o gareja ma doomu mata-mataika duru ihioriki abe Ngohi duru tatailako o nyawa manga hininga ma dolaka de manga hidee hokokia manga hininga ma goronaka, de gea ahao tahibalaha onangika abe hokokia imakiniiki de manga hininga gea. Ho o gareja ma doomu mata-mata ka idadi duru ihioriki abe ngaro nginioo, ma gea ngini homoi-homoi tohibalaha nginika abe hoka duru imakiniiki de ti ngini homoi-homoiika nia wowango ma datoro hokokia.”