Sosawaro 5:20 - Ma Jou ai Demo-demo o Totobelohoka

²⁰ De ahi ngofa-ngofaka, naa tinilehali, “De o kia nia utumu nako hiadono ngini nimalingiri o hijai-jai ma sosanangi de o ngofeka utuika? De done sarakia nohigunoa ani hafini inipareta itagi o ngofeka utuika ka hiadono nomikooino ami badangika abe ami datoro duru itorou?”

Sosawaro 5:20 ပူးပေါင်းရင်းမြစ်များ

1 Kokoano 11:1

De ma oraha o Saloomo wahikoano o Isiraele ma nyawaika de una wamake ngoi feka-fekata abe duru manga ngoe o homoa ma nyawaino. De muna abe o homoaino mohira abe modadi ngoi fekata gea o Mesiiri ma nyawa manga koano ngoi ora. De ahao ngoi fekata utuoli womamake o Moaba ma nyawaino, de o Amono ma nyawaino, de o Edomo ma nyawaino, de o Sidono ma nyawaino, de o Hete ma nyawaino.

Sosawaro 23:33

De nagali ngone hato bote hamake de nanga lako o kiahonanga abe duru o fara moi, de nanga hiningaka de nanga demoka de duru holilifangoka! Ho gea koaho ngone duru homahitiari la ufa hiadono o daluku inahikala ngoneino!

Sosawaro 5:3

De ahi hingahu naa ma titi o ngo-ngofekaika abe to ona manga datoro o naurika itorou. To ona manga higaro ma demo imaketero hoka o gula-gula iwihidoaka o naurika ho de ma mutitoka manga demo hiadono to una ai hininga adaene ami demoika. De manga ilingi inouhu hiadono iwitauroka ai hininga ho wominiikoka!

Sosawaro 6:24

De ahi ngofaka abe ngomi ani dimono minihingahuoka to ngomi mia demo ngonaika gea iniduhunoo la noluku nomahitigi o ngofekaika abe ami datoro itorou. Abe ngaro de ami ilingi inouhu monihigaro masara ngona ko nomihigihenua ami demoika abe to muna ami biaha yomakitigi de o nauru abe ko ami rokatua.

Sosawaro 7:5

Hokogea nomahigagao o sosawaroika de ahao ahi hiowa ma demo idadi o dudumungu ani wowangoka la ko nominiikua o ngofeka abe moigo yomakitigi de onaguna dika abe ko ami rokatua. De gea angamoi o hiowa ma demo idadi ani buturungu hiadono ko idadiua moniakunu ami higaroino ngaro duru mososawaro matobahigaro o naurika ma ka idadi nomidokaowara angamoi nomahigagao o sosawaroika.

Maleaki 2:14

De ngini nipoaka niato, ‘Done ma titi o kia Una ko wonasanangiokaua?’ De gea ma titi abe ma dihiraino de Ma Jou o Yawe winilega-lega nginika ma oraha ngini ka o goohi de niilaka. Masara naa de ko niagou-goungua nia fekatika ngaro muna ka maniikohi o gogilaka ma pareta de modadi nia dodiawo ma gou-goungu.

Maleaki 2:16

De to ngone o Isiraele nanga Jou o Yawe Una wotemo wato, ‘Ngohi todohata o ngolu-ngolukika. De onagona dika yaoluku manga fekatika, gea Ngohi tohiromanga tato imaketero hoka o datoro ma dualono yodiai, de manga datoro gea todohata enangika.’ Hokogea Ma Jou o Yawe duru Wokokurutiye ai demo nginika. Ho ngini kiani nimagoana la ka ihikaika niatobagou-goungu nia fekatika.