Sosawaro 5:19 - Ma Jou ai Demo-demo o Totobelohoka

¹⁹ Ngaro ka ihikaika to muna dika ami badanga inihisanangi abe ka de nomalega ami rupaika de atauru ani hininga. De ngini nia gogao nia feka-fekatika nipaliara la hiadono ka ihikaika inidogarago ngoni fekatika abe ami hininga de ma modekoka de ma doraka ngonaika.

Sosawaro 5:19 ပူးပေါင်းရင်းမြစ်များ

2 Samuele 12:4

“De ahao naga womatengo warekata o kotaika gea de una woboa wokaya-kayaika de woigo womahidodogumu unangoka. Masara wokaya-kaya gea duru ko woigoua to una abe ai duduonino wale la abe wihiolomo una wirekatino gea. Ho wokaya-kaya gea woiki wohu-huhaika de to una dika ai domba ma beka wale de womadoma la ma roehe wahakai la una wirekatino gea waolomo.” Hokogea o Natana wiade-ade o Dautika.

Sosawaro 5:15

Ngohi tohiketero hokonaa la duru ngini nimangaratii. O ngo-ngofeka abe ahao yodadi ti ngini nia feka-fekata tohiketero homoi-homoiika de o humu abe ma dutuoo homoi-homoi. Ho gea ka de ngini nidadi o rokata de naga abe duru to ngona dika ani akere angamoi nale ka to ngona dika ani humuino. Hokogea ngini mata-mataika ho ma oraha nia ngomaha yodudungu de kiani niokere ti ngini homoi-homoiika nia humuino la hiadono iniwedono. Hokogea tohiketero la ngini duru nimangaratii kiani ngini homoi-homoiika nimakitigi duru de ti ngini dika nia fekata.

Sosawaro 5:20

De ahi ngofa-ngofaka, naa tinilehali, “De o kia nia utumu nako hiadono ngini nimalingiri o hijai-jai ma sosanangi de o ngofeka utuika? De done sarakia nohigunoa ani hafini inipareta itagi o ngofeka utuika ka hiadono nomikooino ami badangika abe ami datoro duru itorou?”