Sosawaro 5:11 - Ma Jou ai Demo-demo o Totobelohoka

¹¹ De ma bahaika ahi ngofaka, ngona duru nokokururihi ma titi ani odiri abe o panyakeino angamoi ma panyake gea aolomo ani roehika hiadono ani roehe de ani badanga ma buturungu amataka.

Sosawaro 5:11 ပူးပေါင်းရင်းမြစ်များ

Sosawaro 2:19

Angamoi o nauru abe womirekata munangika, una gea worehenoka o wowango ma ngekomino ho waniikoli o honenge ma ngekomika de duru wokangela wolio o wowango ma ngekomino.

Sosawaro 5:10

Ho to ngona ani kaya ahao idadi o homoa ma nyawa to onangoli manga kaya. O nyawa utu yapake de yomahisosanangi de ani karajaanga ma hasili gea.

Sosawaro 5:12

De ahao gea ani kangela ma demo ma goronaka de ngona nomatoduba nato, “Duru tomatoduba ngohi ma dihira gea todohata o wowango ma totiai ma hiaturika. De ngaro o nyawa naga abe ihitaere, de manga dodaere de ma buturungu, masara ngohi duru talawana manga dodaere ma demoika.

Sosawaro 7:23

Ka de o luadana gea alikoka de ko idadiokaua iloara ho yodamaa dika ma hihiipi abe ahao iboa duru ma fuoika ho ka yotengo. Eko una gea hihiketero de o totaleo abe itaiti o titigonuku yodangi de ko idadiua imaduhunu. Hokogea o goduuru gea unangoo womataiti o boditoika de ko wohiorikua abe ahao womahifangu de ai wowango.

Roma 6:21

Abeika, ahi gogianongoru. Ma dihiraino abe ngini niatobahowono Ma Jouika, de gea ma hofoko o kia niamake genangino? Naga ma hofoko ma hohailoa niamake? Koua! Abe ngaro ma oraha naa de nimahohininga nia datoro ma dihiraino gea de inimaleke nia borihiningaka! De gea ngaro ufa de hoheranga, angamoi nia datoro gea ma hofoko ka o hone-honenge!

Higalioli 32:29

Masara Ngohi duru toigo la ona naga manga sosawaro de ka idadi yataoko ahi hitiari ma demo naa, la gea ka idadi ihioriki abe ahao o kokangela yadaene onanguku.

Ibarani 13:4

De ngini mata-mataika kiani nimahitiari la ufa niaruwae o gogiabereki manga gogaoika. Angamoi onagona dika abe yomakitigi ko itiaiua, ona gea ahao kiani Ma Jou wahohowono onangika. De ngini onagona dika abe niilakoka, ngini kiani duru niogoana nia gogao abe ngini o giaberekioka de ufa nimakitigi de utuika.

Himatoko 21:8

Masara ona utu abe yohawana ihingaku Ngohino ho ona ihioluku de ko ihingakua, ona gea manga baha ahao yaumoikaka abe o uku ma ngooto ma goronaika. De hokogenangoo to ona manga hohowono abe ona yomahidadidorouoka, de onangoo yatotoma o nyawa, de ona abe yomakitigi ko itiaiua, de ona abe ka ihikaika yaniiki manga dodiai, de ona yomahuba-huba o popangaoika, de ona mata-mata abe yotobaelu-eluku. Ho ona gea mata-mata ahao manga baha yamake o uku ma ngooto ma goronaka, abe genangoka o uku de o uba itoka-tokara yauku onangika. De o uku ma ngooto gea ena abe ihiromanga enangika ato o hohonenge ma hinooto.” Hokogea to Una ai demo ngohino.

Himatoko 22:15

Masara nako ona utu abe yotobadiai itorou, ona gea ahao ko yowohamua ma kota ma goronaika. Abe ona gea ka ihikaika yaniiki manga dodiai, eko ngaro ona abe yomakitigi ko itiaiua, eko ngaro ona yatomaka o nyawa, eko ngaro ona abe yomahuba-huba o popangaoika, eko ngaro ona abe manga hiningaka duru yosanangi la o ngelu-ngeluku yaniiki, ma ona mata-mata gea duru ko idadiua Ma Jou ai kotaika yowohamika masara to ona manga ngi, gea hatoli imakitingakika.”