Sosawaro 4:7 - Ma Jou ai Demo-demo o Totobelohoka

⁷ De nia ete gea duru wohihigali-gali wohihingahu ngohino, wato, “Ahi ngofaka abe duru noperelu ani wowangoka gea o sosawaro ma gou-goungu ho kiani ka ihikaika noigo la nomahidogo ani sosawaro ma gou-goungu ka hiadono ani wowango ma bobahaika. De ngaro o kiali naga abe irahai nodiai masara iti ngona nomahioriki nomaputuhu itaana.

Sosawaro 4:7 ပူးပေါင်းရင်းမြစ်များ

2 Tawari 1:10

Ho ngohi naa duru tomagahoko o sosawaro de o tobahioriki la ka idadi ona tahipareta itiai. De hokogea tomagahoko angamoi to Ngona ani nyawa yodadioka o doomu moi abe duru de manga buturungoka ho hiadono done onagona yakunu yahipareta?” Hokogea o Saloomo ai gogahoko ma demo Ma Jouika.

Sosawaro 2:4

Abe nako duru de ani magaweoka ngona nomalingiri de ani hininga ma gahumu de ahao ani utumu ahi sosawaro ma demoino duru ilamoko. De gea tohiketero hoka o nyawa de manga magawe ma gahumu abe yotobalingiri o gurasi eko o kiahonanga ma hali-hali abe naga o tonaka ma goronaka imanoa.

Sosawaro 4:5

Ngona kiani nomadotoko la namake o sosawaro ahi hiowa ma demoino la nohioriki nomaputuhu itaana. Ho ahi ngofaka, toigo nomadotoko la ufa ko nawohanga ahi hingahu ma demoika de ufa noporetika.

Sosawaro 8:23

Duru ma dodihirainohi de ngohi naga Ma Jouoka. Ho ngaro o dunia ko iwahi masara ngohi o sosawaro nagau Unangoka.

Lukasa 10:42

Masara tanu koaho ma titi moi dika abe duru iperelu ani hininga aniiki, de ena gea abe hoka ngoni dodotoli o ngo Maria momangiriki angamoi mototoihene ahi demoino. Ho Ngohi ko toigoua la ahi dodotoko ma demo moporete ho ko moihenua.”

Lukasa 12:20

“Masara de ahao Ma Jou witaere unangika wato, ‘Ngona duru nobodo! Angamoi duru o futu naa dika de ani bobaha adonoka. Ho bote onagona ahao yamake to ngona ani kiahonanga mata-mata abe ka nomatobatoomuino ngonaika?’ Hokogea Ma Jou ai demo wokaya-kayaika.”

Filiipi 3:8

De igoungu, ngaro o kia dika naga, ma nako ahi Baluhu idodutu o Yesusu Kristusu duru tihioriki, gea ka enangohi duru de ma utumoka. De o kia dika abe naga utuoli, gea enangoo taetongo ko kia-kiaua. De Una gea ma titi hiadono gea mata-mata abe ahi wowango ma dihira tanoaka, de gea ena tohiromanga ka o wale-wale dika, la ka idadi o Kristusoli tomahitongohi,