Sosawaro 4:24 - Ma Jou ai Demo-demo o Totobelohoka

²⁴ Ho ngaro ka nia hiningaka dika ma ufa ngini niapake o hawaliti ma dorou abe ma rupa o kia dika! De ufa nia uruino ihupu o doana de o ilingi abe o gorofu!

Sosawaro 4:24 ပူးပေါင်းရင်းမြစ်များ

Higiriiri 34:14

Ngini kiani duru nimakitingaka de ma dorou mata-mata. De abe nidiai itorou nitoba genangino de nimangali ma owaika, Ngini kiani ka ihikaika o dame nimahitihira nia wowangoka, Hiadono o hikadame nihidagi la nimakao irahai.

Sosawaro 10:32

O totiai ma nyawa manga uruino ihitobademo o demo abe ma rorahai dika. Masara ona abe manga datoroka itorou yapake manga uru ihidemo ihowono, ho manga demo ma dorou dika.

Sosawaro 4:25

Ho ngini nia wowango ma dodagi ma goronaka kiani ka ihikaika niododiaiika. Ngini kiani de nia lako ma dumutu ka ihikaika niodamaanika ma totiaiika.

Sosawaro 6:12

De hokonenangoli o nyawa manga wowango ma datoro abe tahiromanga yotobatualono de ko iwa ma utumu manga wowangoka! Abe ona yotobadiai itorou muruono naga, abe hoka ona duru ka ihikaika yotobaeluku de manga demo.

Sosawaro 8:13

O nyawa mata-mata abe manga horomati ma modongo itagi Ma Jou o Yaweika duru ona yodohata ma dorouika. De angamoi ngohi Ma Jouoka de aino ho ngohioo duru todohata o sadeika. Ho duru todohata o nyawa manga hininga ma sade yapake hiadono yomahigiriiri la yomagorakiye. De ngohi todohatoo o rusi-rusika, de o doanika abe ena mata-mata duru ko imanoaua to ngohi ahi sosawaro ma gou-goungoka.

Sosawaro 8:8

Ahi demo mata-mata itotiai de ihiboa ma owa nginika. Abe ko moiua ahi demoino ma gou-goungu ihikawalimi hiadono ma dumutika ko imahiadonua.

Kolose 3:8

Masara ma oraha naa ngini kiani ma dorou mata-mata naa niatingakoka. Abe o ngamo, de o dohata, de o hininga abe nia dodiawo niato niahikangela, de o hiade-ade, de o doa-doana. Gea mata-mata kiani nianoaka nia uruoka.

1 Timotiusu 6:5

De hiadono ma nyawa gea ka ihikaika yomakokalawana angamoi manga hininga itotorouoka de ma gou-goungu duru ko ihiorikokaua. De ona gea yomatemo ato bote nako iwileleani Ma Jouika, genangoka de aino ka idadi manga utumu yomamake abe yomatiwi-tiwi. Hokogea to ona manga hininga.

Yakobusu 1:21

Ho ngini niatingakika nia datoro de nia hininga ma dodorou eko ma pese-peseke o kia dika abe nagahi nginioka, de nimahitipokouku nia hiningaka la nianiiki Ma Jou ai hingahu ma demo abe Una wodatomoka nginioka. Angamoi nako ai demo gea ngini nianiiki, genangino de ka akunu iniduhunu o howono ma kuahaino.

Yakobusu 1:26

De nako o nyawa yomahingahu manga hiningaka ato duru yomahuba-huba de iwiniiki itiai Ma Jouika, gea tanu ka idadi yomahipareta manga uruino. Masara nako ona gea manga uruino ma betongo ko yomahiparetaua hiadono yotemo-temo ma dorou dika, gea ona manga hiningaka yomabudioka, ho ka parahaja dika yomahuba-huba Ma Jouiye.

1 Peturusu 2:1

Ho mangale ma titi abe ti ngini nia wowango nagau ma hungi ho kiani niatingakika nia datoro ma dorou abe nia wowango ma dodihiraka de aino iboa. De ngini ufa nimakao itorou, de ufa nimakokubudi, de ufa nimadokangelukino, de ufa nimaketetaleana, de ufa nimahiketehikangela abe nia gogianongoru manga roma-romanga niawea-weara. De gea mata-mata niatingakika nginioka de aino la ka niakunu nioaguru nia wowango ma hungika.