Sosawaro 31:10 - Ma Jou ai Demo-demo o Totobelohoka

¹⁰ Duru ko igapangua la o nauru womamake ngoi fekata abe ami hininga ma rahai de nagali de ami sosawaroka. Ho o ngofeka abe hokogea ami hininga, ngaro de o hakaru ileto-letongo masara ka munangohi duru de ami utumoka!

Sosawaro 31:10 ပူးပေါင်းရင်းမြစ်များ

Sosawaro 19:14

Nako nanga tau de nanga kiahonanga, gea ka idadi hamake nanga dimonino abe idadi manga oara ngoneino. Masara nako nanga fekata abe duru mososawaro, gea kiani Ma Jou o Yaweoka dika abe ka idadi wonahidoaka ngoneino.

Sosawaro 3:15

Ho gea ngaro o hakaru abe duru ma leto-letongo masara ka o sosawarohi gea inihiutumu ma amoko ani wowangoka. Moioo de ko iwa ma kiahonanga abe ngona ka idadi nomalingiri abe ani utumu enangino ka idadi imaketero hoka o sosawaro namake Ma Jouoka de aino.

Sosawaro 31:11

De to muna gea ami rokata ka idadi duru womingaku munangika, de to una ai tauoka ko iwa manga kuranga.

Sosawaro 8:11

Hokogea angamoi ma sosawaro abe niamake o sosawaro ma demoino ka enangohi irahai ngaro nihidotelega de o hakaru ma leto-letongo abe duru ihali. Ngaro o kiahonanga mata-mataika abe ngini nioigo nimahidogo masara ko iwa moi de ma utumoka nia wowangoka abe imaketero de ma sosawaro abe niamake ngohioka de aino.” Hokogea o ngo Sosawaro ma hiketero la homangaratii Ma Jou duru woigo la ngone hohioriki de haniiki to Una ai mau ngoneino.

Ruutu 3:11

Ho naa, gianongoru, ngaro ufa nohawana. De o kia dika ngona nogahoko todiai, gea mata-mataika ahao ngohi todiai. Ko moiua o Beteleheeme ma dimo-dimonino abe ahao inihiade-ade ato ngona nahowono noboa hokonaa angamoi ona mata-mata inihioriki abe ngona o ngofeka abe ani wowango ma datoro irahai.” Hokogea o Boasa ai horomati ma demo o ngo Ruutika.