Sosawaro 3:5 - Ma Jou ai Demo-demo o Totobelohoka

⁵ De naa duru tonihigaro la ngona ningaku Ma Jou o Yaweika de ani hininga ma gahumu, de ufa nomahinganono to ngona ani tobahiorikika hiadono nato nomangaratii enangika abe nohimanga.

Sosawaro 3:5 ပူးပေါင်းရင်းမြစ်များ

Higiriiri 37:3

Kiani nimahinganono Ma Jou o Yaweika de nidiai ma rorahai, La gea niwango nisosanangi de nia gogere iriidi nia tonakoka,

Higiriiri 37:5

De o kia dika nidiai de nidiai la ma dumutu Ma Jou o Yaweika. Abe iti ngini niwingaku Unangika de nia hininga ma gahumu, De duru Una woigo winiduhunu de o kia dika nidiai.

Higiriiri 37:7

Ngini niriidi Ma Jou o Yawe ai himangoka de kiani nimatongohono, Ka hiadono ma oraha nia gogahoko wopaluhu. De ufa nihuha nako o nyawa utu manga kaya idogo-dogo, Ngaro to ona manga wowangoka yodiai itorou. De igoungu naga o nyawa abe de manga hidee ko itiaiua, Abe ma dumutu ka ihikaika ma dorouika dika, Masara ufa hiadono nia hininga ihuha ma titi ona gea.

Sosawaro 3:7

De ufa ngona nomagorakiye nato nososawaroka. Masara ngona kiani naga ani horomati ma modongo ma amoko Ma Jou o Yaweika la nimodongo Unangika hiadono ka ihikaika noporete ma dorou mata-mataika.

Yeremia 9:23

Ma Jou o Yawe ai hininga womahingahu wato, “Una gea abe duru de ai sosawaroka ufa womagoraka wato, ‘Ngohiohi ahi hininga de ma tobahiorikoka.’ De una gea abe duru wopoputurungu ufa womagoraka wato, ‘Ngohiohi toputurungu.’ De una gea abe duru wokaya ufa womagoraka wato, ‘Ngohiohi ahi tiwi duru iwoe.’

Roma 12:16

De ufa nimaketeribuutu masara koaho nimakao irahai la nimaketehiningamoi. De ufa nimasade masara nimaketedodiawo de o nyawa ngaro ona manga wowango ma gogere ma dodipokouku dika. De ufa nimaetongo niato ka nginiohi de nia sosawaroka.