Sosawaro 3:28 - Ma Jou ai Demo-demo o Totobelohoka

²⁸ Ho ngaro o nyawa gea wogogere ani datekoka ma ufa nahingahu onangika, nato, “Marai itebini ka idadi nohitutumoli de ahao toniduhunu.” Masara nako ngona naga de ma enanga, koaho ma oraha gea dika de nahidoaka la naduhunu onangika. Hokogea Ma Jou ai mau la nahiowa o nyawaika.

Sosawaro 3:28 ပူးပေါင်းရင်းမြစ်များ

Tobadotoko 9:10

“O karajaanga o kia dika abe naga ani sosawaro de ani tobahioriki genangika de nako ngona nato nokarajaanga, gea nomagawe enangika de nodiai de ani buturungu ma gahumino. Tinihigaro hokogea angamoi ko itedekanua de ahao nomanoa yohone-honenge manga ngioka abe genangoka ko iwa o karajaanga, de ani hidee ma, enangoo ko iwaka, de ngaro ani sosawaro de ani tobahiorikoo ma, ko iwaka o lungunoka.”

2 Korintusu 8:11

Ho ngohi tato irahai la ma oraha naa de nia hininga ma magawe nia datorika gea ilioli abe imaketero hoka nia hininga o taongo naa ipopaha abe duru niodomagawe enangika. De gea ngini koaho nihigila-gila de hiadono niabooto nia hidee gea. De gea ka idadi ngini homoi-homoi niatoomu abe hokokia ma amoko abe imakokiniiki de gea abe Ma Jou winihidailako nginika. Abe nako ilamoko niamake, gea ka idadi nia hidoku abe nihidoaka hatoli ilamokoli. Masara abe nako niamake ma hohutulu dika, gea ahao nia hidoaka hatoli ihutulu.

2 Korintusu 9:3

Ho naa ngohi tato irahai tahidingoto nanga gogianongoru yaruange gea nginika la ka de yolioino ngohino de duru tohioriki abe ngini niagou-goungu nimahidiaioka la niduhunu. Angamoi done ko nimahidiaiuahi de ahi demoino idadi o ngeluku dika abe o gareja ma dodoomuika tahingahuoka tato ngini nimahidiaioka.

1 Timotiusu 6:18

Ona kiani ma rorahai yotobadiai la manga datoro ma rorahai gea duru iwoe onangoka abe imaketero ma ngoe abe hoka manga tiwioli naga iwoe onangoka. Kiani ona manga hiningaka yoigo yahidoaka o nyawaika, abe yosanangi manga tiwi de manga kiahonanga ihikodoku manga gogianongoruika.