Sosawaro 3:24 - Ma Jou ai Demo-demo o Totobelohoka

²⁴ De o kiaka dika nomaidu de ka idadi ani giooko ma goronaka irahai angamoi ko iwa ani hawana, de ani buluharoo ma, irahai.

Sosawaro 3:24 ပူးပေါင်းရင်းမြစ်များ

2 Tawari 20:30

De hokogea Ma Jou wihidoaka o Yosafatika de ai kokawaahaika manga hiaini o parangino abe ngaro o tonaka mata-mataika ma ko iwaka abe yoboaino yaparangi ho o dame duru ilaku o Yehuda ma tonakoka.

Higiriiri 127:2

De naa moioli abe ka parahaja dika, nako o nyawa duru yokarajaangaholi la ato yomahidailako manga perelu. Abe nako duru yongorumu yosobo la yokarajaanga ka hiadono yahidufutuku, gea ko ma titiua abe manga karajaanga kiani naga de ma hasiloka. Angamoi Una gea ka idadi wonahidailako ngaro homasikaa de ngaro homaiduoka, iti to Una ai hininga ma dora duru itagi ngoneino.

Higiriiri 91:5

Ho ngini ngaro ufa dika o futu-futuoka de nihawana ma titi o bodito. De nako o wange-wange ngaro ufa nihawana o hihiipi abe nia musu inihitoimi nginika.

Sosawaro 1:33

Masara onagona dika abe yomadoihene o sosawaro ma demoika de ona ko yoboditoua. De to ona manga wowangoka yoriidi de ko yohawanua abe ahao naga o bodito iboa de yadaene.” Hokogea ma hiketero la o sosawaro ma demo de ma ilingoka la ka idadi inahingahu to ena ma duduhunu ngone o nyawa nanga hiningaino.

Sosawaro 6:22

La ngaro o kiaika ngona naika de mia demo ma owa gea naga ngonaka la ena gea idadi ani hihira ani wowangoka. De ngaro nomaidu ma, mia demo gea idadi ani gogoana. De ma oraha nomomiki o ngorumino de ani hiningaka nagau o hiowa ma demo gea abe itemo inihihohininga ma totiaiika.

Tobadotoko 5:12

Ona abe yotobakarajaanga, ngaro manga inomo ilamoko eko ikuranga, masara o futu-futu de manga giooko irahai. Masara onagona dika abe de manga tiwi-tiwioka, to ona manga giooko ikuranga mangale ma titi manga kaya ma amoko gea.

Hidingoto 12:6

De ahao manga rame-rame gea ipahaino de o futu moiohi de o Herodese wato witailako de wiurusu o Peturusika. Masara ma futu gea de una iwikiooko o bui ma tauoka abe yahidarante ka ma moi de o tentara ma nyawa yahinootoika ai aridatekoka. De naga ma tentara utu yotobagoa-goana o bui ma tau ma ngoranoka la ufa woara.